Vika 10.

Børnini skulu helst klára allar tær "hvítu" uppgávurnar. Um tey ikki gerast liðug í skúlanum, so skulu tey gera uppgávurnar heima (tær hvítu).

Vikuskema vika 8

Foreldrafundir
Týsdagin og mikudagin 16. 0g 17. jan er ætlanin at hava einstaklinga foreldrasamrøður. Eg æltaði at tit skulu skriva tykkum upp frá kl. 13.30 og úteftir, vit seta 15. minuttir av til hvørja samrøðu.

Sendið mær eini boð á facebook ella eitt sms á tlf 599616, so dagføri eg listan so hvørt. Um tvey velja sama tíðspunkt, so er tað "først til mølle"  :) (um tit hyggja at hesum listanum við telefonini, so mugu tit leggja telefonina, soleiðis at tit síggja báðar dagarnar - um telefonin stendur "upp og niður", so leypur alt saman)

Týsdagin 16. 01                               Mikudagin 17.01

kl. 13.15 - 13.30                      

Kl. 13.30 - 13.45  Sólbjørn                Kl. 13.30 - 13.45    Ranja

Kl. 13.45 - 14.00  Kristian                 Kl. 13.45 - 14.00    Iris

Kl. 14.00 - 14.15  Olivia                    kl. 14.00 - 14.15  Sesilia

kl. 14.15 - 14.30    Jon Erik               kl. 14.15 - 14.30    

kl. 14.30 - 14.45    Tóra                    kl. 14.30 - 14.45    Høgni

kl. 14.45 - 15.00    Jógvan                kl. 14.45 - 15.00    Frida

kl. 15.00 - 15.15    Anna                   kl. 15.00 - 15.15      Jóhan

kl. 15.15 - 15.30   Brynjálvur             kl. 15.15 - 15.30    Andreas

kl. 16.00 - 16. 15   Jane                    kl. 15.30  - 15.45

kl. 16.15 - 16.30                               kl. 15.45 - 16.00  

kl. 16.30 - 16.45    Filip                     kl. 16.00 - 16.15   Óli

                                                          kl. 16.15 - 16.30   Sandra kristin

                                                          kl. 16.30 - 16.45   Ayenna

                                                          kl. 16.45 - 17.00   Fedja

 
 Vinarliga

Berit 

Sammenskudsgilde:

Sesilia: Bollar og smør

Jane: Nutella og hamburgarrygg

Olivia: Juice

Kristian: Tvey skorin rugbreyð

Tóra: Rice crispies kakur

Óli: Brúnakaku

Jóhan: Sodavatn

Jógvan: Livurpostei, agurk og piparfrukt

Iris: 2. pk Sjokolátapáleyg

Brynjálvur: Fiskapylsu og salami

Høgni: Piparnøtur og sjokolátapáleyg

Ranja: Skinkusalat

Jon Erik: vatnmelón og servelatpylsu

Frida: mandarin

Filip: chips

Ayenna: bommkaku

Anna: Kakao

Góðu foreldur
Børnini eru liðug við "Lær teg at stava 1" og ymiskar avritsuppgávur, sum hoyra til føroyskt. Tey hava tilfarið við í taskuni. Takið  tað úr taskuni, tey skulu ikki hava tað við aftur í skúla.

Vinarliga

Jónfríð Foldbo

Vinarliga hyggið penalarhúsið ígjøgnum.

Hetta er í penalarhúsinum:

Tveir spískaðar blýantar - Viskileður - Linjal - Límstift - Saksur

Foreldrabólkar

Jólabólkur:

Óli, Filip, Brynjálvur, Frida, Sesilia og Ranja            

Føstubólkur: 

Kristian, Jógvan, Høgni, Rói, Jon Erik, Johan og Anna Elisabeth 

Summarbólkur:   

Olivia, Tóra, Sandra Kristin, Jane, Bjarta Fríða, Ayenna og Iris

Foreldrafundur 05.09.2016

Jònfríð og eg tosaðu um hvørjar bøkur vit brúka í undirvísingini. Í rokning brúka vit sama tilfar sum í fjør, eftir heystfrítíðina fara vit at læra okkum lítlu tabel. Børnini fara at fáa eina tabell fyri hvørja viku, og so halda vit áfram inntil vit duga :)

Viðvíkjandi vinarbólkum, so hava vit avgjørt at halda eina pausu í ár, og so fara vit at royna aftur næsta ár.

Foreldrabólkarnir vera teir somu í ár, men vit skifta um tíðarskeið, so jólabólkurin nú stendur fyri føstuhaldinum osv. Eg havi broytt bólkarnar, so teir passa til tíðarskeiðini :)

Eg eri sera glað fyri at tit eru so røsk at møta upp til foreldrafundir og felags tiltøk. Børnini eru vinnarnir, tá ið vit samstarva væl :)  

Lesing
Børnini hava aftur fingið nýggjar bøkur heim við - hetta eru venjingarhefti, sum hoyra til Súluna. (bókin er í føroysktmappuni). Her fara tit at leggja merki til, at børnini duga at lesa ein samanhangandi tekst. Øll hava ikki somu bók. Tá ið tey lesa, skulu tey fyrst hyggja at og tosa um myndirnar, sum hoyra til tekstin. Myndirnar stuðla, soleiðis at lættari verður at lesa. Fá øll orðini rætt og leggið til merkis, um børnini steðga á við komma og punktum. Duga tey at leggja tónalag í, tá ið tey lesa t.d. við spurnartekin? Tað er ein góð kensla hjá børnunum at duga at lesa lættan tekst væl. Bókin skal vera lisin til fríggjadagin. Umframt hetta skulu tey sjálvandi eisini lesa uppá og gera tað, sum tey annars hava fyri í føroyskum :)

Skriving

Vit skriva bókstavir í "Vit skriva, Súlan". Har læra vit, hvønn veg bókstavirnir skulu skrivast. Tað hevur stóran týdning, at børnini skriva á rættan hátt. Vit hava skrivað fram til s. 37. Gott er, at tit hyggja saman við tykkara barni, um alt er gjørt í "Vit skriva". Um onkrar síður ikki eru gjørdar, skulu hesar gerast lidnar til fríggjadagin. Minnist til at stuðla og rósa, tá ið tey skriva bókstavirnar. Týdningarmikið er at fáa tey at føla, at tey gera tað væl, sjálvt um bókstavirnir ikki eru perfektir – bara tey skriva teir á rættan hátt, so sum bókin leggur upp til: ”Øvelse gør mester”

Flokkurin hevur fingið bókina “Sólin sá lás í á” við heim.

Sólin sá lás í á er ætlað at lesa, tá ið næmingarnir hava lært teir fyrstu fimm bókstavirnar: á, l, s, í, ó. Umframt eru tvær orðamyndir (tvs. orð, sum tey enn ikki hava lært allar bókstavirnar hjá). Orðamyndirnar eru: sólin, Ása.

Flokkurin hevur nú lært 8 bókstavir, tvs. øll kunnu lesa orðini. Her hevur tað stóran týdning, at tit stuðla teimum at siga ljóðini hjá hvørjum bókstavi og fáa tey at vita, um tey hoyra, hvat orðið er.

 Føroyskt

Vit hava nú lært bókstavirnar s og í. Vit arbeiða við bókstavunum, seta teir saman og seta onnur ljóð til. Teimum dámar væl, og tey eru sera spent.
Børnini hava “lesi-apuna”, sum tey hava gjørt, við heim. Hana fara vit at eisini at brúka til lesing. Tey hava fingïð orðalista fyri til mánadagin.
Við “lesi-apuni” venja vit skjótleika og fimi í at lesa einstøk orð.

Tit mugu endiliga ringja til mín, um okkurt er, sum tit ivast í

Gott vikuskifti
Jónfríð Foldbo, tlf. 743369

 Foreldrafundur 

Takk fyri ein góðan foreldrafund. Eg havi verið spent uppá at heilsa uppá tykkum, nú børnini hava verið tríggjar vikur í skúla, og eg haldi at vit fingu eitt gott prát. Um tað er nakað tit hava uppá hjarta, so eru tit hjartaliga vælkomin at ringja ella skriva til mín.

Vit gjørdu nakrar avtalur á fundinum:

•  Eg skal gera foreldrabólkar, ið kunnu taka sær av at samla flokkin til okkurt smávegis á jólum, undan føstu og áðrenn summarfrítíðina.
• Vit fara at gera vinarbólkar, har hvørt barn hevur eina heimavitjan í 1. flokki (eg bíði við at gera vinarbólkarnar inntil aftaná heystfrítíðina)
• Facebook bólkur varð stovnaður 
• Telefonlisti verður lagdur inn undir "kunning"
• Telefonketa verður eisini løgd inn undir "kunning"

Vit merkja á tykkara børnum, at tit tosa jaligt um skúlan heima, og tað er sera týdningarmikið at tónin framvegis verður góður :)

Gott vikuskifti 

Vinarliga

Berit Norðoy, tlf 599616

Góðu foreldur

So er tann fyrsta skúlavikan liðug. Hóast nógv er at seta seg inn í hjá børnunum, so hevur gingist væl. Børnini hjá tykkum eru bæði fitt og fyrikomandi, og vit hava havt nakrar góðar tímar saman. Eg merki væl, at tit hava fyrireikað barnið væl til skúlabyrjan.

Hesa vikuna hava vit arbeitt við bókstavinum á. Vit hava tosað um, hvussu hann eitur, og hvussu hann ljóðar. Vit hava tosað um ymisk orð við á í, og skrivað nøkur á á talvuna. Greitt hevur eisini verið frá, hvar í húsinum á býr, og hvussu á verður skrivað. Vit hava lært okkum sangin “Dukka mín er blá” og sungið hann nakrar ferðir.
Tá ið barnið fer at gera heimaarbeiði, er týdningarmikið, at friður er, og at tað er ein jalig løta.
Ivast tit í onkrum í lærugreinini føroyskt, sendið endiliga eitt sms ella ringið.

Ynski tykkum eitt gott vikuskifti
Vinarliga
Jónfríð Foldbo
Tlf. 743369

Barnablaðið Strok
Strok er eitt mennandi og spennandi blað, tey ið ynskja at halda blaðið kunnu koma við pengum í skúlan, ella gjalda umvegis netbankan.