Tímatalvan hjá 6. D

Lærarar

Støddfrøði: Jona Højsted

Føroyskt: Betta Joensen tlf. 455815 - 286060

Danskt: Selma Larsen tlf. 221969

Enskt: Selma Larsen tlf. 221969

Kristni: Betta Joensen

Náttúra og tøkni: Selma Larsen

Handarbeiði: 

Smíð: 

Evning: 

Tónleikur: 

Heimkunnleiki: 

Ítróttur: Berit Norðoy, Johannes Klakk, Malan H. Hansen, Selma Larsen, Eyðstein Poulsen og Jórun Høgnesen. 

Bókasavnsbøkur heima?

Um næmingar hava bókasavnsbøkur heima, so skulu bøkurnar takast við í skúla og latast inn á bókasavnið í Ósaskúlanum!

Vinarliga

Skúlabókavørðirnir

Nýggja tímatalvan

Tímarnir í handaverki og list eru avlýstir, so   tímarnir sum tey hava aftaná verða í staðin fluttir upp,so tey fáa fyrri frí týsdag og hósdag.

Týsdag eru tímarnir í enskum fluttir upp til klokkan 10.00

Hósdag er støddfrøði klokkan 10.00 og enskt klokkan 11.15

Eg fari at undirvísa í enskum í hvussu er í viku 21. Bjørn Kalsø kemur eisini at verða inni teir tímarnir, sum tey eiga at hava handaverk og list.

Tímatalvan galdandi frá 11.05.2020

Skúlamyndirnar eru komnar

Myndirnar kunnu heintast á skrivstovunum:
1 - 5 flokk á skrivstovuni hjá Jóhannu, hetta er í niðara skúla

Myndirnar kunnu útflýggjast, tá goldið er fyri tær, 250 kr. konto nr. er 9865 4120633.

Tímatalva galdandi frá 27. apríl

Tímatalvan fyri viku 17.

>>HYGGIÐ HER<<

Hey tit í 5.d

Nú vita vit ikki, nær tit koma aftur í skúla. Eg fari at tøma skuffurnar og koyra hefti og bøkur í plastikkposar, sum tit fáa heim.

Vinarliga komið í skúlan eftir bókunum mánadagin 20. apríl ímillum kl. 16 og 17 norðanfyri skúlan, ímóti Sparikassanum. Orsaka av smittuvanda er ikki ráðiligt at koma inn í skúlan, so eg havi posarnar við bókunum uttanfyri. Av somu orsøk skulu næmingar ikki lata bøkurnar inn enn, sum skúlin eigur, havi eg fingið at vita.

Hetta varð eitt verri skil við Korona, men vit mugu royna at fáa, sum frægast burturúr. Eg ynski tykkum alt tað besta. Gleði meg at síggja tykkum øll aftur :)

Betta

Kunning

Góðu foreldur og næmingar í 4. – 10. flokki.
 

Fyrst vilja vit takka fyri forstáilsi seinastu tríggjar vikurnar undan páskum. Hetta hevur verið ein undarlig tíð hjá okkum øllum, men við góðum samstarvi og forstáilsi báðar vegir, ber nógv til.

Komandi tíðina fara 4. - 10. flokkur at halda fram við fjarundirvísing. Vikurnar undan páskum vóru ávísar royndir við hesum, men nú fara vit at gera tað meira skipað.

Fyrstu vikuna, t.v.s. frá mánadegi 20. apríl, fara næmingarnir at hava tveir undirvísingartímar um dagin á forritinum Teams. Teams er eitt forrit í Office 365, sum allir næmingar hava atgongd til og flest allir hava roynt. Vikuna eftir verður tímatalið nakað økt, so tað verða uml. 3 tímar dagliga. Næmingarnir fara í hesum sambandi at hava eina tillagaða tímatalvu.

Fyrstu vikuna verða tímarnir skipaðir soleiðis:

·      Hjá 4. – 7. fl. frá kl. 8:00 – 8:45 og kl. 9:00 – 9:45.

·      Hjá 8. – 10. fl.  frá kl. 10:00 – 10:45 og kl. 11:00 – 11:45

Í komandi viku verður so kunnað um tímatalvuna, sum verður galdandi eftir hetta.

Næmingarnir hava møtiskyldu til tímarnar á Teams. Skúlin hevur ábyrgd av at skipa undirvísingina, og heimið hevur ábyrgd av, at næmingurin fylgir undirvísingini og møtir til tímarnar.

Vit eru tilvitaði um, at hetta setir krøv til teldur heima. Vit hava lagt tímarnar hjá 4. – 7. fl. og 8. – 10. fl. hvør sína tíð, fyri at minka nakað um hendan tørvin. Vit meta, at flestu tykkara hava teldu til taks til hesa undirvísing, men um tað eru heim, sum ikki hava nakra teldu til  teirra barn, skulu tit venda tykkum til flokslæraran við hesum innan kl. 12:00 fríggjadagin 17. apríl. Skúlin vil tá útvega tykkum eina teldu til láns, so leingi hendan støðan varir.

Roknast kann við ymiskum tekniskum avbjóðingum fyrstu dagarnar, tí skipanin er nýggj fyri flestu lærarar og næmingar. Um tit hava tílíkar trupulleikar heima, mugu tit gera vart við hetta hjá læraranum. Hann kann síðani sjálvur hjálpa, ella syrgja fyri, at tit fáa hjálp frá onkrum teldukønum. Tó kann gerast trupult at nøkta tørvin á hjálp fyrstu dagarnar. Vit hava ikki roynt hetta í hesum vavi fyrr, og tí kann tað kennast ørkymlandi fyrstu vikuna. Men vit rokna við, at hetta kemur at virka væl, tá ið vit hava vant okkum við hendan undirvísingarhátt.

Allar royndir og próvtøkur eru avlýstar í ár, og landsroyndirnar eru útsettar til í heyst. Hildið verður fram við fjarundirvísing til summarfrítíðina, um ikki onnur boð koma frá myndugleikunum. Ársmet verða givin viðkomandi næmingum seinastu vikuna áðrenn summarfrítíðina. Hjá 9. og 10. flokki verða hesi ársmet eisini ásett at verða próvtøkumet í ár.

Vónandi fara vit framhaldandi at samstarva væl um hesa avbjóðing, so undirvísingin fer at virka væl, og næmingarnir framhaldandi fara at læra og mennast.

Betstu heilsur

Vagn Foldbo, skúlastjóri

Hey tit :-) 

Eg síggji, at næmingarnir hava rímiliga fulla vikuætlan. Eitt hugskot kundi verið at sett ein tíma av hvønn dag til skúlating.

Á myndini omanfyri er eitt skema, sum man kann gera okkurt burturúr, um tíðin fellur long ;-)

Annars ber eisini til at fara inná matematikbogen.dk at loysa ymsar uppgávur.

Mannagongd komandi vikurnar

Skúlin hevur nú fingið skriv frá Undirvísingarstýrinum um mannagongdir í samband við, at skúlin letur aftur frá 16. mars og komandi tvær vikurnar. Í hesum sambandi verður heitt á tykkum foreldur um, at hava børnini heima. Skúlagongd verður skipað fríggjadagin 13. mars, men mælt verður til, at næmingarnir eru heima, har tað er gjørligt, og annars fylgja teimum tilráðingum, sum koma frá heilsumyndugleikunum so hvørt.

Skúlin hevur tó opið í neyðugum vavi fyri børnum, sum ganga í 1., 2. og 3. flokki, har eingin onnur ansing er møgulig. Henda serskipan er bara galdandi hjá teimum børnum, hvørs foreldur starvast á serliga avgerandi økjum, sum t.d. heilsuverkinum og tilbúgvingini annars, og sum ongan møguleika hava fyri ansing.

Hesi foreldur mugu senda teldupost til skúlan, skulatrod@skulin.fo, við grundgevingum fyri, hví tørvur er á hesum tilboði. Skúladagurin hjá hesum næmingum verður frá kl. 8:00 til 12:00.

Vanliga skúlaskipanin er niðurløgd, og tí er talan um serstøðu við avmarkaðum virksemi hesa tíðina. Fyriskipanir verða settar í verk, so undirvísingin kann halda fram so væl sum gjørligt, hóast næmingarnir eru heima. Kunnað verður á heimasetningunum hjá einstøku flokkunum seinast mánadagin, har nærri boð verða givin.

Talan er um eina undantaksstøðu, sum fyribils er galdandi í 2 vikur. Tamarhald er enn á støðuni í Føroyum, men av tí at støðan í londunum kring okkum er hættislig, verða hesi tiltøk sett í verk fyri at minka um vandan fyri smittuspjaðing í Føroyum. Hvør einstakur eigur at taka ábyrgd fyri sjálvum sær og sínum nærmastu.

Um spurningar ella ivamál eru, eru tit vælkomin at ringja til skúlan ella ein í leiðsluni.

Vinaliga

Vagn Foldbo, skúlastjóri

Myndatøka
Í viku 10/11 (mikudagin 4. mars til týsdagin 10. mars) verður myndatøka av næmingum skúlans.

5.d møtir til myndatøku fríggjadagin 6. mars millum12.25-13.10. Flokslærarin verður eisini á myndini saman við flokkinum.

Myndirnar verða ikki útflýggjaðar, fyrr enn peningurin er goldin. Peningurin skal flytast á konto: 9865-4120633

Næmingarnir fáa eitt ark heim við, sum skal latast inn aftur til flokslæraran skjótast gjørligt og í seinasta lagi mánadagin 2. mars.

Kæru foreldur

Eg havi nú verið flokslærari hjá tykkara gullklumpum í eina viku og sigast má, at tey eru øll somul ógvuliga fitt og fyrikomandi og vit læra hvønn annan meir at kenna hvønn dag. Eg gleði meg at møta tykkum hóskvøldið.

Um tit hava onkur boð til mín, er mítt tlf. +298 221969

Vinarliga heilsan

Selma 

Telda

Vit læra okkum blindskrift. Tit kunnu venja heima á hesi heimasíðuni:

http://www.skrivhurtigt.dk/

Matpakkaskipan
Góðu foreldur og næmingar!

Sum nakað nýtt hava vit á Skúlatrøð tikið upp samstarv við Gist&Vist um matpakkaskipan í skúlanum. Hetta merkir, at framyvir ber til hvønn skúladag at bíleggja matpakka heimanífrá, sum síðani verður latin skúlanum til matarsteðgin. Bíleggingin skal tó verða avgreidd áðrenn kl. 7:30 um morgunin. Til ber eisini at bíleggja matpakkar fyri fleiri dagar í senn.
Skipanin byrjar mánadagin 16. apríl 2018, men til ber longu nú at bíleggja. Fyrstu ferð skal tú tó stovna teg sum brúkara.
Til ber at lesa meira um skipanina á: http://matpakkin.fo/til-foreldrini/