6.a

Góðu foreldur

Nú fara vit skjótt inn í desembur og harvið byrjar jólastákanin av álvara, bæði heima og í skúlanum. 

Í flokkinum hava vit seinastu tíðina tosað um at gera okkurt fyri at gleða onnur; har í millum eisini at hjálpa børnum, sum ikki hava somu møguleikar, sum børn um okkara leiðir hava. Vit hava eisini tosað um mannarættindi, har niðurstøðan er, at øll børn hava rætt til góð barnaár, um tey búgva í Føroyum ella einum øðrum ríkum landi, ella tey búgva í einum landi, har fátækradømi, hungursneyð, kríggj ella aðrar vanlukkur hava rakt. 

Vit hava eisini tosað um, hvussu gott tað er, at tað eru felagsskapir, eisini her í Føroyum, sum hava til endamáls at hjálpa neyðstøddum børnum. 

Í flokkinum hava vit tí tikið avgerð um, at vit vilja gera eitt átak til frama fyri ABC Barnahjálp, og at hetta skal verða okkara skúla-jólakendari í ár. 

Øll kunnu eftir førimuni lata eitt oyra í eina bússu, sum vit koma at hava inni í skúlastovuni. Eingin listi verður nær ella hvussu mikið hvør skal lata í bússuna. Um tit eiga tómar fløskur heima, sum kunnu avreiðast, so taka vit ímóti og umseta tær til pengar, sum vit koyra í bússuna. Allur stuðul er kærkomin. 

Vit hava sett okkum í samband við forkvinnuna í ABC Barnahjálp, Rúnu Sivertsen. Hon fegnast um stuðulin og kemur í skúlan at greiða okkum frá arbeiðinum, sum ABC Barnahjálpin ger, umframt at hon eisini fer at vísa okkum myndir av tí, sum stuðulin fer til. 

Innsavningin byrjar mánadagin 2. desembur og endar 17. desembur. Allur peningurin fer óskerdur til ABC Barnahjálp og kemur forkvinnan sjálv í skúlan at taka ímóti gávuni. 

Vónandi taka øll væl undir við átakinum. 

Vinarliga,
Ragnhild 

Tímatalvan hjá 6.a

Flokslærari:       Ragnhild Ellingsgaard             Tlf: 270626


Danskt, Enskt, Søga og Kristni       Ragnhild Ellingsgaard

Føroyskt                                          Eyðstein Poulsen 

Støddfrøði og Náttúra & Tøkni        Anja  Norðoy     

Ítróttur                                             Ragnhild Ellingsgaard

Ítróttur                                             Sonja úr Fugloy

Ítróttur                                             Eyðstein Poulsen

Ítróttur                                             Johannes Klakk                    

Handarbeiði                                    Maria Ziska

Smíð                                               Karl Johan Thomsen

Evning                                            Jógvan Brim Joensen                  

Heimkunnleiki                                Lina Magnussen

Talv                                                Petur Páll Mikkelsen

Tónleik                                           Heini Ziska Dahl

Miðlar                                             Berit Norðoy

Lesing

minst til at lesa uml. 15 min. HVØNN dag

Um matpakkin.fo  sí her

http://bit.ly/strokhald

Góðu foreldur!

Kostur er sera týðandi fyri okkara gerandisdag, ikki minst hjá børnum okkara. Tað snýr seg ikki einans um at eta seg mettan og sløkkja tostan, men eisini hvørjum tú etur teg mettan av og sløkkir tostan við. Hetta hevur ávirkan á tannheilsuna og evnini at hugsavna seg.

Børn vita, hvat tey vilja hava, men tey vita ikki altíð, hvat er gott fyri tey. Tí hava tey brúk fyri vaksnum at taka nakrar avgerðir fyri tey, m.a. viðvíkjandi mati.

Tað er nógv søtmeti millum børn í skúlanum, og hetta sæst aftur í m.ø. tannheilsuni. Fyri at betra um hetta, vilja vit við hesum heita á tykkum foreldur um ikki at geva børnunum søtmeti í matpakkan og ikki lata tey hava pening við í skúla, so tey kunnu keypa sær eitthvørt í skúlatíðini.  Hetta vil uttan iva betra um tannheilsuna og vælveruna annars.

Vónandi verður tikið væl ímóti hesum.

Vinaliga

Skúlin, skúlastýrið og skúlatannlæknin

Til foreldur og avvarandi

Heitt verður á foreldur og avvarandi at børnum, sum skulu til tannlækna, um at minna børnini á tíðina tit hava fingið.  Nú skúlin er í gerð er ikki altíð møguligt  hjá okkum at ”rópa” ella at fara eftir børnunum fyri at minna tey á tíðina.

Vit síggja helst at avvarandi koma við børnunum, tá tey hava tíð til tannlækna. Um okkurt kemur í vegin, ella tað ikki liggur fyri at koma til tannlæknan, vilja vit heita á tykkum um  at boða frá sum skjótast.

Vh

Starvsfólkini í Barnatannrøktini

Til foreldur og avvarandi