Flokkar
- Kunning

Frá Gigni

                                                                                                            Klaksvík tann 7. desember 2018

Góðu foreldur!

 

Í heyst hevur skrubb gingið um meginpartin av landinum. Í okkara øki hava fleiri verið smittað, og vit hava biðið tykkum havt eyguni eftir hesum og viðgjørt um neyðugt. Hetta hevur hjálpt væl, men enn er trupulleikin ikki heilt bastur.

Vit vilja tí heita á tykkum um framhaldandi at hava eitt vakið eyga við sjúkueyðkennunum, og fara til lækna og viðgera um neyðugt, so vit kunnu basa trupulleikanum heilt. Faldari um skrubb kann lesast á www.gigni.fo

Foreldrabólkar og telefon

Sum avtalað á felags foreldrafundinum eru foreldrabólkarnir lagdir út her á stevnuna. Tey, sum ikki skrivaðu seg í nakran bólk á fundinum, havi eg sett uppá.

Uppgávan hjá bólkunum er at skipa fyri einhvørjum tiltaki fyri øllum flokkinum saman við øllum foreldrunum, t.v.s. fram móti jólum, áðrenn føstuna og ímóti sumri.

Jólabólkur:

Pætur            789444

Tóki               223889

Dávid S.        220032

Klæmint         790407

John Ziska     227155

Páll                56563

Noomi            295432

Kendra

Føstubólkur:

Hjørdis            215990

Jóhanna         599081

Dávid E.         224652

Jóannes         281890

Brandur         250945

Kaleb             554039

Aron              790903

Summarbólkur:

Talita              221303  

Erikka             228561

Jona               227340

Elisabeth B.    283288

Elisabeth J.     229844

Josva              288595

Leivur             794008

 

Um fráverur og uppmøting

Er barn tykkara er sjúkt, skal tað fráboðast. Tit kunnu senda mær sms ella lata barnið hava seðil við, tá ið tað kemur aftur í skúla. Um vit ikki fáa boð, verður tað skrivað í fráverubókina sum "uttan loyvi".

Tá ið tit ynskja at biðja um frí í ein ella tveir dagar, skulu tit hava loyvi frá flokslæraranum frammanundan.

Um tit ynskja fríloyvi til barnið í meira enn tveir dagar, mugu tit skriva teldupost til Skúlatrøð. Teldupostadressan er: skulatrod@skulin.fo

Møtið til tíðina

Vinarliga latið børnini møta til tíðina. Tað órógvar sera nógv, at so nógv koma ov seint. Tá ið børnini koma ov seint verður tað viðmerkt í fráverubókina.

 

Meir um fríloyvi                                                                                      

                                                                                                          Klaksvík tann 11. september 2018

Góðu foreldur!

Ein áheitan viðvíkjandi frítøku av næmingum í skúlatíð.

Alsamt fleiri foreldur biðja frí til síni børn í samband við uttanlandsferðir og tílíkt. Hetta ávirkar sjálvandi undirvísingina hjá barninum eins og hjá hinum næmingunum í flokkinum.

Vit vilja tí vinaliga heita á tykkum foreldur um ikki at leggja uttanlandsferðir og annað í skúlatíðini hjá børnunum.

Vinaliga

Vegna skúlan                                                               Vegna skúlastýrið

Vagn Foldbo, skúlastjóri                                              Mildrid á Lógv, forkvinna

Óbodnir gestir - kunnið tykkum um evnið

Matpakkin

Sum nakað nýtt hava vit á Skúlatrøð tikið upp samstarv við Gist&Vist um matpakkaskipan í skúlanum. Hetta merkir, at framyvir ber til hvønn skúladag at bíleggja matpakka heimanífrá, sum síðani verður latin skúlanum til matarsteðgin. Bíleggingin skal tó verða avgreidd áðrenn kl. 7:30 um morgunin. Til ber eisini at bíleggja matpakkar fyri fleiri dagar í senn.
Skipanin byrjar mánadagin 16. apríl 2018, men til ber longu nú at bíleggja. Fyrstu ferð skal tú tó stovna teg sum brúkara.
Til ber at lesa meira um skipanina á: http://matpakkin.fo/til-foreldrini/

Tað er ikki loyvt at brúka fartelefon í skúlatíð

Heilsugóður kostur og matpakkin

Kostur er sera týðandi fyri okkara gerandisdag, ikki minst hjá børnum okkara. Tað snýr seg ikki einans um at eta seg mettan og sløkkja tostan, men eisini hvørjum tú etur teg mettan av og sløkkir tostan við. Hetta hevur ávirkan á tannheilsuna og evnini at hugsavna seg.

Børn vita, hvat tey vilja hava, men tey vita ikki altíð, hvat er gott fyri tey. Tí hava tey brúk fyri vaksnum at taka nakrar avgerðir fyri tey, m.a. viðvíkjandi mati.

Tað er nógv søtmeti millum børn í skúlanum, og hetta sæst aftur í m.ø. tannheilsuni. Fyri at betra um hetta, vilja vit við hesum heita á tykkum foreldur um ikki at geva børnunum søtmeti í matpakkan og ikki lata tey hava pening við í skúla, so tey kunnu keypa sær eitthvørt í skúlatíðini. Hetta vil uttan iva betra um tannheilsuna og vælveruna annars.

Vónandi verður tikið væl ímóti hesum.

Vinaliga

Skúlin, skúlastýrið og skúlatannlæknin

Frá tannrøktini

Heitt verður á foreldur og avvarandi at børnum, sum skulu til tannlækna, um at minna børnini á tíðina tit hava fingið.  Nú skúlin er í gerð er ikki altíð møguligt  hjá okkum at ”rópa” ella at fara eftir børnunum fyri at minna tey á tíðina.

Vit síggja helst at avvarandi koma við børnunum, tá tey hava tíð til tannlækna. Um okkurt kemur í vegin, ella tað ikki liggur fyri at koma til tannlæknan, vilja vit heita á tykkum um  at boða frá sum skjótast.

Vh

Starvsfólkini í Barnatannrøktini

Tilboð um fyribyrgjandi heilsukanning hjá kommunulækna

 Øll børn í Føroyum hava rætt til fyribyrgjandi heilsukanning hjá kommunulækna, tá ið tey fara í skúla, og tá ið tey fara úr skúlanum.

Hetta er liður í almenna tilboðnum til øll børn og ung í Føroyum um fyribyrgjandi heilsukanningar hjá kommunulækna. Hetta tilboðið kemur afturat tilboðnum um heilsukanning hjá heilsufrøðingi.

Í lóginii verður tilskilað, at børn og ung skulu fáa tilboð um níggju fyribyrgjandi heilsukanningar hjá kommunulækna.

Børn undir skúlaaldur skulu fáa tilboð um sjey heilsukanningar, tríggjar teirra verða gjørdar, áðrenn barnið hevur fylt ár.

Børn og ung í skúlaaldri fáa tilboð um tvær heilsukanningar. Tann fyrra stutt eftir, at barnið er farið í skúla. Tann seinna stutt fyri, at barnið fer úr skúlanum. Í hesum sambandi hava øll børn í 1. og 9. flokki fingið kort heim við úr skúlanum, har mint verður á hesa heilsukanningina.

Heitt verður á foreldur um at venda sær til kommunulæknan, og biðja um tíð til fyribyrgjandi heilsukanning.

 

Løgtingslóg nr. 63 frá 17. mai 2005 um fyribyrgjandi heilsuskipanir fyri børn og ung, sum broytt við løgtingslóg nr. 9 frá 12. mars 2014