Góðu foreldur

3.d hevur eina konto í Norðoya Sparikassa. Kontonummarið er: 9865-3148046.

Á felags foreldrafundi varð avgjørt, at 50,00 kr. verða fluttar hvønn mánað.

Viðmerkið navnið á barninum, tá ið tit flyta peningin.

Vinarliga

Anja og Jónfríð

Hondkrem

Nú næmingarnir vaska hendurnar og spritta meira enn vanligt, eru tađ summi, iđ fáa turrar hendur av hesum.

Í hesum sambandi hevur heilsusystirin veriđ og vitja í flokkinum og mælt næmingunum til at vaska hendurnar væl, soleiđis at tađ ikki er neyđugt at spritta aftaná.

Somuleiđis heitti hon á tykkum foreldur at smyrja hondkrem á hendurnar á børnunum, áđrenn fariđ verđur til songar.

Góðu foreldur

Tað var stuttligt at síggja næmingarnar aftur í morgun :)

Nú byrjað vit upp á eitt nýtt, spennandi og læruríkt skúlaár. Tað gleða vit okkum til.

Næmingarnir hava fingið: tímatalvu, kunning um frídagar, bílegging av mjólk og Nem í triðja

Í matarsteðginum kunnu næmingarnir fáa mjólk á skúlanum. 
Tit kunnu tekna barn tykkara fyri mjólk og lata skrivið inn sum skjótast

Minnist til at hyggja í pennalarhúsið um alt er í.

Vanligur skúladagur verður longu í morgin : )

Vinarliga

Anja og Jónfríð

Píka 7

Næmingarnir hava fingið blaðið heim við. Leiðbeiningar um hald o.s.v. stendur á heimasíðuni og á blaðnum.

Felagsforeldrafundur

Felags foreldrafundur í 3.d verður hóskvøldið 17.september kl. 19.00

Seturskúli

Hósdagin 10.september fara vit á seturskúla við 3.d. Hesa ferð gongur leiðin til Saksunar. Vit búgva í  summarhúsunum hjá foreldrunum hjá Jákupi Dion, Elsu og Ova, sum eisini koma við á seturskúlan. 

Vit gera eins og í Svínoy, vit sova eina nátt og koma heim aftur dagin eftir fríggjadagin 11. september. Næmingarnir taka mat við. Vit gera ein matlista fyrst í vikuni. 

Vit hava brúk fyri 6 bilum at koyra næmingarnar til Saksunar og heim aftur. Hvør kann? 

Nærri kunning um skrá kemur seinni. 

Vinaliga 
Anja (tlf. 217848) og Jónfríð (tlf. 743369) 

Føroyskt / orðalistar

Sambært námsætlanini fyri føroyskt er eitt ávegismál við endan í 2.flokki, at næmingarnir duga at lesa vanligastur orðini, og at tey duga at lesa aldurssvarandi tekstir. Av tí at tey 120 orðini fylla umleið helvtina í øllum tekstum, so er at duga tey eitt risastig fram á leið. Tess betur, ein dugir at at lesa hesi orðini, tað er at duga at lesa tey beinleiðis uttan at skula at stava hvørt orð, tess skjótari lesari kann ein gerast. Og lesitryggleiki og lesiferð hava neyvt samband vit lesifatan, sum er jú aðalmálið í allari lesing. Skrivingin styrknar somuleiðis

Málið er tí

at læra at lesa tey 120 orðini
at læra at stava tey 120 orðini
at læra at skriva tey 120 orðini

Góðu foreldur

Nú og fram til føstulávint fara vit at dansa bæði í flokkinum og saman við øðrum flokkum í skúlanum.  Vit hava verið “uppi á gólvi” og tikið nøkur stev. Vit læra okkum “Kall og Svein ungi” og "Øskudólgur og sópingarkona" uttanat til dansin. Vit leggja eitt avrit í postkassan mánadagin, so kunnu tit eisini venja heima. Tey eru hugagóð og vilja gjarna læra. Inni á vikuætlan stendur, hvørji ørindi tey skulu læra uttanat til hvønn dagin

Føroyskt

Bókalummin: 

Sum nakað nýtt hava allir næmingarnir fingið eina krabbabók og uppgávu við heim, sum liggur í einum plastlumma í taskuni.  Teir skulu lesa minst eina bók um vikuna og gera uppgávur til bókina. 

Uppgávurnar tryggja, at teir hava fata innihaldið í bókini og duga at leita í tekstinum eftir svarum. Uppgávurnar eru fyri tað mesta lættar, men kortini er brúk fyri, at ein vaksin stuðlar og hjálpir. 

Bókalummin verður eisini nýttur sum eykatilfar í tímunum í skúlanum. Tá bókin er lisin og uppgávurnar gjørdar, fær man nýggja krabbabók og uppgávur.

Umframt hetta skulu teir sjálvandi eisini lesa uppá og gera tað, sum tey annars hava fyri í føroyskum.

Ringið ella skrivið endiliga, um okkurt er, sum tit ivast í.

Vinarliga 

Jónfríð Foldbo

Um fráverur og uppmøting

Er barn tykkara sjúkt, skal tað fráboðast. Tit kunnu senda okkum, sms ella lata barnið hava seðil við, tá ið tað kemur aftur í skúla. Um vit ikki fáa boð, verður tað skrivað í fráverubókina sum "uttan loyvi".

Tá ið tit ynskja at biðja um frí í ein ella tveir dagar, skulu tit hava loyvi frá flokslæraranum frammanundan.

Um tit ynskja fríloyvi til barnið í meira enn tveir dagar, mugu tit skriva teldupost til Skúlatrøð. Teldupostadressan er: skulatrod@skulin.fo

Møtið til tíðina

Vinarliga latið børnini møta til tíðina. Tað órógvar sera nógv, at so nógv koma ov seint. Tá ið børnini koma ov seint, verður tað viðmerkt í fráverubókina.

Anja og Jónfríð

Góðu foreldur!

Takk fyri seinast. So hugaligt, at tit møttu so fjølment.

 Á foreldrafundinum vóru vit samd um at halda fram við tveimum ymiskum foreldrabólkum eins og í fjør. Inni á “foreldrabólkar” síggja tit, hvørjum bólki tit eru í. Sigið okkum frá, um okkurt ikki er í lagi.

Foreldraviðtalurnar byrja komandi viku. Tit síggja inni á vikuætlanini, nær tit skulu til viðtalu um tykkara barn. Um ikki ber til at koma ásettu tíð, eru tit vælkomin at býta um innanhýsis. Men sigið okkum frá, hvønn tit býta um við. Setið tykkum í samband við okkum, um tit ikki kunnu koma ásettu tíðirnar. Annars høvdu vit ein góðan dag úti í Grøv. Vit kókaðu suppu við stormkøki og hugnaðu okkum úti í vøkru náttúruni. Samanumtikið ein góður dagur. Myndir frá degnum úti í Grøv liggja undir "Løtumyndir".

Nú, tríggjar tær fyrstu vikurnar í 2.d eru farnar aftur um bak, kunnu vit siga, at tað hevur gingið væl. Tit eiga sera fitt og arbeiðssom børn. Tey síggja eisini út til at hava tað gott saman.

Vit minna tykkum á at hyggja í penalarhúsið um alt er í , so sum blýantar, viskileður, litblýantar, saksur og límstift :)

Eisini fara vit at takka fyri, at tit fylgja so væl við vikuætlanini og gera heimaarbeiðið til lítar. Tað styrkir næmingarnar nógv, og tey koma glað at vísa okkum.

Gott vikuskifti ynskja vit tykkum.

Anja og Jónfríð

Tað var stuttligt at síggja næmingarnar aftur í morgun :)

Nú byrjað vit upp á eitt nýtt, spennandi og læruríkt skúlaár. Tað gleða vit okkum til.

Næmingarnir hava fingið tímatalvu,  bílegging av mjólk og eitt skriv frá Mentamálaráðnum við einum bóklingi um "Lesing - ein góð byrjan" til tykkum foreldur at lesa. 

Í matarsteðginum kunnu næmingarnir fáa mjólk á skúlanum. 
Tit kunnu tekna barn tykkara fyri mjólk og lata skrivið inn sum skjótast

Minnist til at hyggja í pennalarhúsið um alt er í.

Vanligur skúladagur verður longu í morgin : )

Vinarliga

Anja og Jónfríð

Soleiðis gera vit í 1.d

Í 1.d práta vit javnan um, hvussu vit kunnu fáa ein góðan skúladag. Vit hava eisini prátað um at virða hvønn annan og at taka ábyrgd. Tey hava sett orð á, hvussu tey ynskja sær, at skúladagurin skal vera.
Vanliga verður orðið "ikki" brúkt, tá tosað verður um forboð. Tó kann tað vera keðiligt hjá næmingunum at hoyra "ikki" ofta. Ístaðin eggjar skúlin tey at gera tað, sum er gott og avmarka orðið "ikki".
Uppskotini hanga uppi í floksstovuni (sí mynd). Gott at tit foreldur tosa við tykkara barn um reglarnar :)

Góðu foreldur!

So koma vit til tað seinastu vikuna av hesum skúlaárið. Komandi viku fara vit at hava eina øðrvísi viku. Vit fara at hava ymisk tiltøk hesar dagarnar. Sí annars vikuætlanina

Vit fara at takka bæði tykkum foreldrum og børnum fyri hetta skúlaárið. Takk fyri gott samstarv. Tað hevur verið sera gott og gevandi at arbeitt í 1.d. Tey hava verið sera røsk og arbeiðssom.

Hóast ein vika er eftir, ynskja vit tykkum øllum eina góða summarfrítíð.

Blíðar heilsanir

Anja Samuelsen og Jónfríð Foldbo

Um fráverur og uppmøting

Er barn tykkara er sjúkt, skal tað fráboðast. Tit kunnu senda okkum, sms ella lata barnið hava seðil við, tá ið tað kemur aftur í skúla. Um vit ikki fáa boð, verður tað skrivað í fráverubókina sum "uttan loyvi".

Tá ið tit ynskja at biðja um frí í ein ella tveir dagar, skulu tit hava loyvi frá flokslæraranum frammanundan.

Um tit ynskja fríloyvi til barnið í meira enn tveir dagar, mugu tit skriva teldupost til Skúlatrøð. Teldupostadressan er: skulatrod@skulin.fo

Møtið til tíðina

Vinarliga latið børnini møta til tíðina. Tað órógvar sera nógv, at so nógv koma ov seint. Tá ið børnini koma ov seint verður tað viðmerkt í fráverubókina.

STAVILSI

Nú útbyggja vit venjingina við bókstavunum. Børnini leggja øll sjálvljóðini (teir reyðu) á borðið í eina rekkju niðureftir. So velja tey sær eitt hjáljóð og leggja tað framman fyri fyrsta sjálvljóðið. Tey siga ljóðini hvør sær /b/ /ááá/ og siga so stavilsið bá. So leggja tey hjáljóðið framman fyri næsta sjálvljóðið og siga tey ljóðini og so stavilsið.

Tey royna við øllum sjálvljóðunum. So skifta tey hjáljóð. Tá ið tey hava vant, at hjáljóðið stendur framman fyri sjálvljóðið, kunnu tey royna at seta hjáljóðið aftanfyri: /ááá/ /b/, áb. Tað er eitt sindur verri, so gevið tykkum góða tíð at venja tað fyrsta fyrst.

Føroyskt

Tá ið tit lesa uppá í føroyskum, er best at barnið lesur fyri onkrum vaksnum 3 ferð. Um tað gongur striltið, kunnu tit skiftast um, t.d. at tann vaksni lesur tvær reglur, so barnið tvær o.s.fr. Næstu ferð kunnu tit gera tað umvent.

Smáu bøkurnar, børnini lesa nú, eru lættar. Hetta fyri at tryggja, at barnið er komið í gongd at lesa og kennir bókstavirnar. Orðini/ljóðsamansetingarnar í kassanum eru týdningarmiklar at venja.

Lesið tekstin við barninum og spyr um bókstavirnar ovast á síðunum.

Venjið listarnar til lesi-apuna.

Venja ljóð og bókstav

Til foreldrini: Teir reyðu bókstavirnir eru sjálvljóð, og teir ljóða, sum teir eita ella næstan líka. Teir bláu eru hjáljóð, teir mugu hava eitt annað ljóð at hjálpa sær. t.d. á: er eitt sjálvljóð, eitur á og ljóðar á, sum í ál/lás. S er eitt hjáljóð, ljóðar sss sum í sól, men dugir ikki at siga sítt navn sjálvur, má hava e at hjálpa sær at siga sítt navn (ess)

Annars stendur ein frágreiðing í Súluni, sum er til foreldrini at lesa. Hetta er um, hvussu Súlan verður brúkt. Vit hava ikki fyri í Súluni, hon er til bókstavagjøgnumgongd í skúlanum. Men tit eru vælkomin til at gjøgnumganga ta síðuna, sum vit hava havt í skúlanum saman við tykkara barni. Tit kunnu syngja sangin og lesa tekstin fyri barninum ella saman við tí. 

Mín Blóma

Í kristni hevur 1.d havt um skapanina og sangin “Hvør skapti blómurnar”. Sangurin sigur, hvør skapti heimin og alt, vit síggja. Síðani hava tey gjørt hvør sína blómu, sum fer at fylgja teimum fyrstu skúlaárini.
Næmingarnir eru eins og blómurnar, sum verða settar í urtagarðin, sum er skúlin. Hvør blóma skal røktast fyri at vaksa og bera ávøkst. Júst so er við sosiala samfelagnum, har næmingarnir í flokkinum hava ábyrgd av at geva hvørjum øðrum ein góðan dag. Blómurnar eru ymiskar, tí júst ymiskleikin gevur eina sterka heild.

Føroyskt

Flokkurin hevur fingið nýggja lesibók við heim "Sólin sá lás í á", sum hoyrir til Súluna. Tá ið tey hava fyri at lesa, skulu tit fyrst hyggja at og tosa um myndirnar, sum hoyra til tekstin. Myndirnar stuðla, soleiðis at lættari verður at lesa. Tit foreldur kunnu lesa tekstin fyrst, tað meta tit sjálvi um.

Tað, sum børnini skulu lesa heima hesa vikuna, er fyri summi heilt lættur tekstur, meðan hann fyri onnur hevur passaligt støði
Fyri øll er tað av stórum týdningi at lesa væl uppá heima. Tað er av stórum týdningi at lesa nógvan lættan tekst fyrstu tvey árini í skúlanum, so børnini gerast so góðir og neyvir lesarar sum gjørligt.

1. Les fyrst einaferð.

2. Lesið so einaferð afturat. Fá øll orðini rætt og leggið tilmerkis, um børnini steðga á við (komma) og punktum. Duga tey at leggja tónalag í, tá ið tey lesa t.d. við spurnartekin?

Tað er ein góð kensla hjá børnunum at duga at lesa lættan tekst væl.