Vit ynskja...

Góðu tit. Vit hava nú skrivað út á heimasetningin hvørji skúlating tit skulu gera heima hesar næstu tvær vikurnar, nú skúlin er niðurlagdur. Vit ynskja, at tit ikki fara longri í lærubókunum enn vit hava skrivað, fyri at vit kunnu hava skil á hvar vit skulu taka tráðin uppaftur, tá vanliga skúlagongdin byrjar aftur. Um tit vilja gera meiri enn vit hava skrivað, so kunnu tit lesa onkra bók, tit eiga heima, ella finna hóskandi uppgávur á netinum. Hendan tíðin er samstundis eitt gott høvi, at innheinta, um tit eru komin afturút í onkrari lærugrein.

Føroyskt:
Tað er serliga vigtigt at tit halda lesingina við líka hetta tíðarskeiðið. Eg havi lagt út á heimasetningin hvat skal lesast hvønn dag. Ordiliga gott um tit eisini endurvenja (repetera) bókstavirnar, sum vit hava lært, hvussu teir eita, hvussu teir síggja út og hvussu teir ljóða. Tá tit endurvenja bókstavirnar er https://bokstav.fo/ ein hent heimasíða, har Bubu greiðir heilt stutt frá øllum bókstavunum. Eisini er ymiskt gott tilfar at finna á snar.fo.

Uppgáva at lata inn:

Tá næmingarnir koma aftur í skúla, ætli eg at tey skulu lata hvør sína søgu inn. Hon nýtist ikki at vera long, eiheldur perfekt. Bara eina lítla fitta søgu, sum tey sjálvi finna uppá, saman við einari tekning. Uppgávan er soljóðandi:

Tekna eina mynd og skriva eina søgu, sum hóskar til myndina :)

Rokning:

Um tit ynskja at rokna meiri enn lagt er út á heimasetning, so hava tit møguleika at fara inn á hetta leinkið matematikbogen, har liggja online uppgávur (pluss, minus) Dømi: velji pluss-opgave og fyll í teigarnar (tó ikki til at senda e-mail), brúka tølini frá 1 og til 20, og vel tað bláa "start på opgaven".

Eisini er gott at venja tølini, telja upp til 30, og telja niður aftur. Venjið eisini at telja: 2-4-6-8-10-...30. skrivið eitt tilvildarligt tal t.d. 27, og spyrjið hvussu tað eitur, og øðvugt: Hvussu skrivar tú t.d. 23 ? o.s.v.

GG!
Hyggið javnan inn á heimasetningin, um nýggj kunning skuldi verið komin.

Til ØLL foreldur

Avtí at skúlin verður niðurlagdur í tvær vikur, fara vit at geva næmingunum onkrar uppgávur at gera heima. Vit skriva út á heimasetningin, hvat skal gerast hvønn dagin. Í hesum sambandi fara teir næmingarnir, sum koma í skúla í morgin, at fáa lærubøkurnar heim við.

Gevið gætur!!
Vit heita á foreldur, har børnini ikki koma í skúla í morgin, um at koma í skúlan at heinta lærubøkurnar hjá tykkara børnum í skúlatíð í morgin (fríggjadagin 13. mars).

Mannagongd komandi vikurnar

12.mars 2020

Skúlin hevur nú fingið skriv frá Undirvísingarstýrinum um mannagongdir í samband við, at skúlin letur aftur frá 16. mars og komandi tvær vikurnar. Í hesum sambandi verður heitt á tykkum foreldur um, at hava børnini heima. Skúlagongd verður skipað fríggjadagin 13. mars, men mælt verður til, at næmingarnir eru heima, har tað er gjørligt, og annars fylgja teimum tilráðingum, sum koma frá heilsumyndugleikunum so hvørt.

Skúlin hevur tó opið í neyðugum vavi fyri børnum, sum ganga í 1., 2. og 3. flokki, har eingin onnur ansing er møgulig. Henda serskipan er bara galdandi hjá teimum børnum, hvørs foreldur starvast á serliga avgerandi økjum, sum t.d. heilsuverkinum og tilbúgvingini annars, og sum ongan møguleika hava fyri ansing.

Hesi foreldur mugu senda teldupost til skúlan, skulatrod@skulin.fo, við grundgevingum fyri, hví tørvur er á hesum tilboði. Skúladagurin hjá hesum næmingum verður frá kl. 8:00 til 12:00.

Vanliga skúlaskipanin er niðurløgd, og tí er talan um serstøðu við avmarkaðum virksemi hesa tíðina. Fyriskipanir verða settar í verk, so undirvísingin kann halda fram so væl sum gjørligt, hóast næmingarnir eru heima. Kunnað verður á heimasetningunum hjá einstøku flokkunum seinast mánadagin, har nærri boð verða givin.

Talan er um eina undantaksstøðu, sum fyribils er galdandi í 2 vikur. Tamarhald er enn á støðuni í Føroyum, men av tí at støðan í londunum kring okkum er hættislig, verða hesi tiltøk sett í verk fyri at minka um vandan fyri smittuspjaðing í Føroyum. Hvør einstakur eigur at taka ábyrgd fyri sjálvum sær og sínum nærmastu.

Um spurningar ella ivamál eru, eru tit vælkomin at ringja til skúlan ella ein í leiðsluni.

Vinaliga 

Vagn Foldbo, skúlastjóri

Procedures in the following weeks

The school has now been informed by the school authorities about procedures regarding the closing of the schools from the 16th of march and the following two weeks.

Classes will be held on friday the 13th of march, but we urge parents/guardians to keep the students at home if possible, and otherwise comply to the recommendations of the ministry og health.

The school will be closing on monday the 16th of march, but will be open for pupils in the 1., 2., and 3. grade. This is however only a arrangement for those parents that work in vital work  sectors such as the health an rescue sector, and where circumstances dont allowed the pupils to stay at home.

If parents are in need of such arrangements, they must send an email to the school, skulatrod@skulin.fo, stating why such an arrangement is needed.

For other students, there will be other arrangements made so that the pupils can work from home. Information regarding this will be posted og the individual class week schedules on the schools webpage, on monday at the latest.

This is a state of emergency, that will be enforced for the next two weeks. The situation is under control for now, but these measures are set in motion due to the state of the surrounding countries, and to tame the spreading of the corona virus. It is up to us all as individuals and as a society to take responsibility of our self, those close to you and others.

If you have any questions regarding this statement, you are welcome to call the school og someone in the school administration.

Regards

Vagn Foldbo, Principal

1.d

.V.i.k.u.s.k.e.m.a.

Hesa vikuna (vika 11) gera vit eina roynd í at arbeiða við vikuskema í skúlanum. Higartil eru nærum bara føroyskt-uppgávur á skemanum, umframt onkrar aðrar fittligar uppgávur. Ætlanin er at koyra rokning uppí eisini í viku 12.

Hvat er eitt vikuskema?
Eitt vikuskema er eitt skema, har ymiskar uppgávur standa á, sum næmingarnir skulu gera. Næmingarnir sleppa sjálvir at avgerða raðfylgjuna á uppgávunum. Tó skulu tær "hvítu" uppgávurnar gerast fyrst, síðani tær "gráðu", og um eitt felt er svart, merkir hetta, at tann næmingurin ikki skal gera júst hesa uppgávuna (sí mynd). Tá næmingurin er liðugur við eina uppgávu, setir hann ein kross, og velur sær eina nýggja uppgávu.

Hví vikuskema?
Hetta er ein máti at stimbra motivatiónina hjá næmingunum, at læra góðar arbeiðsvanar og at hava ábyrgd av egnari læring.

Bara vikuskema?
Nei, ikki bara. Vit hava eisini felagsundirvísing, har vit t.d. greiða frá hvussu ymiskar uppgávur skulu loysast. Harafturat eru heimstaðarlæra, kristni og evning ikki partur av vikuskemanum sum nú er.

Hvussu við heimaarbeiði?
Næmingarnir hava fyri at lesa uppá heima. Harumframt fáa teir lærubøkurnar (Súlan bókstava- og ljóðbók og Súlan arbeiðsbók 2) heim við fríggjadag, so at tit fáa fylgt við og innheitnað um neyðugt.

Hvussu vita vit um vit hava nakað at innheinta?
Eg fari at leggja út, t.d. hvønn bókstav vit hava um til hvørja viku, og hvørjar síður eiga at vera gjørdar tá vikan er av. Hesa vikuna hava vit t.d. um Yy.

Hvussu vita tit, at nóg nógvar uppgávur standa á skemanum?
Tað vita vit ikki til fulnar, men vit gera eina meting útfrá hvussu nógvar tímar vit ætla at arbeiða við vikuskema ta ávísu vikuna. Ein meginregla er, at uppgávurnar ikki skulu vera ov torførar ella rúgvumiklar í byrjanini, fyri at næmingarnir skulu kenna tað sum eitt spæl at koma ígjøgnum.

Tímatalvan hjá 1.D

Telefonnummur

Selma: 271212

Rebekka: 271711