Skúlaárið 2019/2020

Myndir skúlaárið 2019/2020

...og vinnararnir eru á Skúlatrøð!

Fiskur, innvølur, linsur og nytrur

Ein skapandi og lærurík vika í 7. a


Microbit í 5. flokki

Í náttúru og tøkni arbeiðir 5. flokkur við microbit. Næmingarnir forrita á telduni og flyta forritanina yvir á eitt microbit.

Næmingarnir fingu uppskriftir uppá at gera ein hitamátara, og síðani fingu teir perur at lýsa. Sum tit eisini síggja á myndunum, so hava teir eisini gjørt ljóskurvar við grønum, gulum og reyðum ljósi. Eisini royndu tey at vera kreativ og leggja ljóstekst inn við eini heilsan í.

Hetta er nakað, sum flestu næmingar vísa áhuga í og teir eru heilt hugtiknir í at loysa uppgávuna.

Næmingarnir arbeiða saman í bólki, teir læra av hvørjum øðrum og fáa roynt evnini hjá hvørjum øðrum í tilgongdini at skapa eitt úrslit.

Tveir tímar gingu ógvuliga skjótt.

Valentinsmessa í 3. flokki

Í 3. flokki hava tey nýtt høvið at tosa um søguna um Valentinus og arbeitt við evninum kærleiki. Út frá søguni, sum jú er ein kærleikssøga, varð tosað um, hvat kærleiki er, hvussu vit kunnu vísa kærleika, hvønn vit elska o.s.fr. Næmingarnir tosaðu eisini um ymisk jalig orð, sum tey kundu lýsa hvønn annan við og skrivaðu orðini á reyð hjørtu, sum tey hava í floksstovuni sum eitt hjartatyssi.

Eg kendi mær ein ríkmann

3. flokkur hevur arbeitt við kvæðnum "Eg kendi mær ein ríkmann". Næmingarnir arbeiddu í verkstøðum, har tey gjørdu ymiskar mállæruuppgávur, sum høvdu við kvæði at gera.
Síðani málaðu næmingarnir tey ymisku djórini o.a. á pápír, sum so bleiv hongt út í gongina á Skúlatrøð.

Sagnir sum teknirøðir

Skapandi og lærandi løta á bókasavninum

Næmingarnir í 5. flokki hava í vikuni verið á bókasavninum til hugna og kreativitet í tveir undirvísingartímar. Evnið var skaldskapur av mannamunni. Næmingarnir fingu eina einfalda frágreiðing um, hvat skaldskapur av mannamunni merkir, hvat tað snýr seg um, og hvørji tekstasløg koma undir hendan skaldskap. Tá uppleggið um skaldskap av mannamunni var liðugt, varð ein søgn lisin upp, og næmingarnir fóru síðani í bólkar at gera eina teknirøð um tilburðirnar í søgnini, sum talaðu til teirra.

Sum tit síggja á myndunum, fingu næmingarnir nógv burturúr løtuni, og evnini at ímynda sær og tekna eru góð hjá fleiri. Stuttligt, at kunna seta myndir á sagnir, sum sjáldan eru at hoyra og mest sum liggja gloymdar. Tær koma til lívs við hesum myndunum.

Hesin hátturin er góður til at venja evnini at ímynda sær persónar, hendingar og umhvørvið, tá ein hoyrir søgu. Eisini er hetta ein góð venjing at venja minnið.

Ongantíð aftur!

Undir heitinum “Ongantíð aftur” vóru Nám og Amnesty International Føroyar, saman við 8. og 9. fl. í KFUM&K ein dubulttíma við fyrilestrum um Holocaust og fólkadráp.

Orsøkin er, at liðin eru 75 ár síðan týningarlegurnar Auschwitz-Birkenau vórðu fríaðar, og í ár er fyrstu ferð, at altjóða dagur til minnis um Holocaust verður hildin í Føroyum 27. januar, soleiðis, sum Føroya løgting hevur samtykt.

Róland og Elsa í Skorini, høvdu fyrilestur um Holocaust, og Elsa greiddi frá eini gentulagnu, sum hóast allan ræðuleikan endaði væl. Eisini tosaði Heini í Skorini um fólkadráp í nýggjari tíð og um mannarættindi.

Vístir vóru tríggir nýggir føroyskir stuttfilmar, sum Nám hevur gjørt um Holocaust á temasiðuni á undirvísingarportalinum Snar.

Sera væl uppsettur og gjøgnumførdur fyrilestur, sum rúnabant allar næmingarnar. Myndir og talvur vóru talandi og vístu ein ómetaliga umráðandi søguligan veruleiki, sum skal berast víðari!

Lagt varð upp til, at næmingarnir skriva uppgávur um eitt alla annað evni, sum viðvíkir Holocaust.

Náttúra og tøkni á Borðoyavík

6.b hevur í vikuni verið á Borðoyarvík og savnað plastikburturkast. Tað var í lærugreinini ná/tø, at tey savnaðu inn í eina tíma. Tey fingu alt hetta plastikkið, sum tey síðani deildu í partar - burturkast frá alivinnuni, fiskivinnuni, húsarhaldinum og annað.

Morgunløta við sangi og leiki

Skúlakórini vitja Norðurjól

Talentkapping á torgi trý

Skúlanæmingar á skoytum

Hvat droymir tú?

Kjarrvongur vitjar

Norðurlendsk bókasavnsvika á Skúlatrøð

Norðurlendsk bókasavnsvika
Hesa vikuna er Norðurlendsk bókasavnsvika, og evnið í ár er hátíðarhald í Norðurlondum. Í hesum sambandi hava allir 3. flokkarnir á Skúlatrøð verið á bókasavninum, har skúlabókavørðarnir hava lisið " Pippi heldur føðingardag" úr bókini um Pippi Langsokk.
Eitt hugnaligt tiltak, har næmingarnir hoyrdu um ein heldur øðrvísi føðingardag :)

KÍ-fepur á Skúlatrøð

Skúlagongdin í miðdeildini í dag hevur verið øðrvísi og kreativ. Næmingarnir hava gjørt vimplar og sungið Kí-sangir. Marcherað varð gjøgnum skúlagarð og skúla aftaná ein lívligan morgunsang. Seinni fóru næmingarnir eisini ein túr út í býin at vísa sín stuðul til KÍ, nú finalan verður spæld í morgin. Vit vóna, at KÍ vinnur og ynskja teimum alt tað besta.

5. flokkur og Droya Drós á bókasavninum

Næmingaráðið mannað

Heimsmál og barnarættindi

Rennidagur

Í dag var árligi rennidagurin á Skúlatrøð. Næmingar úr ítróttarbreytini skipaðu fyri upphitingini á vøllinum og stóðu fram við vegnum og ansaðu eftir smærru næmingunum í ferðsluni. Eisini settu teir krossar á hendurnar fyri hvørjar 5 kilometrar. Tá komið var á mál í miðhøllini í skúlanum, fingu næmingarnir sunkist og frukt. Ein vakur og góður rennidagur

Valfundir til næmingaráðsval

Fríggjadagin verður næmingaráðsval á Skúlatrøð, og í hesi vikuni hava valfundir verið á ymsu deildunum í skúlanum.

Fólkaræðið hevur stóran týdning í okkara samfelagi, og tí er tað umráðandi, at næmingar verða tilvitaðir um, hvat fólkaræði er, og at teir hava møguleikan at ávirka sín gerandisdag í skúlanum.

Valevnini hava fyrireikað seg væl og gjørt sítt ítasta fyri at sannføra veljararnar um, hví teir skulu velja júst seg. Tey hava eisini fingið stóra hjálp frá floksfeløgum til at gera plakatir.

Málini, sum valevnini hava sett sær, eru skilagóð og kunnu heilt avgjørt gera skúladagin betri, tá tey koma ígjøgnum.

Hóast kvinnuumboðanin í okkara løgtingi er í so lítil, so eru kvinnuumboðini til næmingaráðið í meiriluta, tá hugsað verður um kynsbýtið.

Dentur varð lagdur á, at valfundirnir skuldu líkjast teimum, vit kenna frá løgtingsvalinum, og tí varð eisini endað við at syngja tjóðsangin. Næmingarnir vístu virðing og dugdu væl at vera á valfundi.

Royðugrót til vatnlitsmálningar

Handaverk og list
Næmingar úr 7. flokki hava síðstu vikurnar samlað royðugrót úr føroysku náttúruni, mjølvað tað og brúkt tilfarið til vatnlitsmálningar

Telduforritan í 4. flokki

Í fjórða flokki fáa næmingarnir nógvar nýggjar lærugreinar. Nakað, sum tey hava verið spent til eru tær seks lærugreinarnar í "handaverk og list".

Tað er skipað soleiðis, at eitt hold hevur eina ávísa lærugrein í 6 vikur, og síðani skifta holdini soleiðis, at tá ið árið er liðugt, so hava allir næmingarnir havt allar lærugreinarnar. Ein av hesum lærugreinum er telda.

Seinasta mikudag fingu allir næmingarnir í teldu ein "ultra-bit". Hetta er ein verkætlan, ið byrjaði í Onglandi, har BBC gav fleiri microbittar út til ein heilan árgang. DR gav seinasta ár út til allar 4. floks næmingar í Danmark, og hava síðani bjóðað 4. flokkunum í Føroyum upp í verkætlanina.

Endamálið við verkætlanini er at varpa ljós á forritan, og at fáa næmingar áhugaðar í forritan og síggja, at forritan er spennandi og kanska ikki so trupult hóast alt.

Miðlaholdið vitjar aðrar vallærugreinar

Skúlin bjóðar fleiri ymiskar vallærugreinar til framhaldsdeildina. Í síðstu viku var miðlaholdið og tók myndir av undirvísingini í nøkrum vallærugreinum.

Vitjað varð í køkinum á Valskúlanum og í køkinum við Ósánna. Tónleikaholdið og evning/hondarbeiðsholdið fingu eisini eina vitjan. Umframt hesar vallærugreinar, so
er eisini sjóvinna, týskt, alis/evnafrøði og træsmíð eisini lærugreinar, ið næmingarnir ganga til í ár.

Soppatíð

Í dag var farið út at leita eftir soppum. Nú er heyst og besta tíðin hjá soppunum, sum niðurbróta allan vøksturin sum fellur til jarðar, so at tilfarið og føðsluevnini í plantunum kunnu endurnýtast komandi vár, tá tað grør av nýggjum. Vit funnu fleiri soppasløg. Tað er ikki altíð lætt at eyðmerkja sopp, um hann er etandi ella ikki, og tí viðmæla vit ikki at eta sopp, uttan onkur serkønur gevur grønt ljós.