Flokkar
Kunning

Office365 Hvussu geri eg?

Týskt

 Í samband við broyting í kunngerð um upptøku til miðnámsútbúgvingar var kunngjørt, at týskt verður kravt fyri upptøku á búðskaparbreyt, hugbreyt og fyrireikingarbreyt frá 2022. Gjørt verður vart við í skrivi frá Mentamálaráðnum, at hendan treyt IKKI er galdandi fyri teir næmingar, ið byrja í 8. flokki skúlaárið 2019/20. Sí niðanfyri.


Til skúlarnar við framhaldsdeild:

 


Vísandi til skrivið, ið var lagt út her í gjár, hevur Mentamálaráðið heitt á Undirvísingarstýrið at senda tykkum hesa fráboðan.

 

Í kunngerð nr. 120 frá 19. juli 2019 um broyting í kunngerð um upptøku í gymnasialu miðnámsútbúgvingarnar hevur landsstýriskvinnan ásett, at 2 ára royndarfyrireikandi undirvísing í týskum verður upptøkukrav til búskaparbreytina, hugbreytina og fyrireikingarbreytina.

Sambært § 2 í broytingarkunngerðini er henda broyting galdandi fyri umsøkjarar, ið søkja um upptøku at byrja útbúgvingina í august 2022 og seinni.


 

Mentamálaráðið skal boða frá, at broytingin verður sett í verk á tann hátt, at broytingin ikki rakar teir næmingar, ið eru byrjaðir í 8. flokki hetta skúlaárið. Eisini, hóast hesir næmingar søkja á miðnám í 2022 ella seinni. 

 

Ein skiftisskipan verður gjørd, soleiðis at broytingin fyrstani verður galdandi fyri næmingar, sum byrja í 8. flokki komandi skúlaár.

 

Broytingin viðv. týskum sum upptøkukrav á miðnámi umfatar sostatt ikki teir næmingar, sum í gjár byrjaðu í 8. flokki. Tað er ikki krav, at teir skulu velja týskt fyri at sleppa inn á búskapar-, hug- ella fyrireikingarbreytina í august 2022 ella seinni.

 

 


Vinarliga
Leivur Vitalis

Varastjóri, Á Skúlatrøð

Tlf.: +298-780206

Halgi- og frídagar 19/20

Floksreglar

(verða broyttar og tillagaðar so líðandi)

1. Tað er ikki loyvi at sita inni í húgvu og jakka.

2. Telefonir verða savnaðar inn hvønn dag. Tað er ikki loyvi at hava telefon í tímunum.

3. Øll skulu út í fríkorterinum (KÍ-høllin ella vøllin).