Píka7 og Strok til allar næmingar
Strok og Píkasjey komið
Fyri einum góðum ári síðani var avgjørt, at allir næmingar í grunddeild og miðdeild skuldu fáa Píkasjey og Strok ókeypis. Næmingarnir í grunddeild fáa Píkasjey, og næmingar í miðdeild fáa Strok.
Í læraraeygum er hetta ein góð avgerð, sum fevnir allar næmingar. Haldaratalið var lágt áðrenn, og í hvørjum flokki vóru nøkur heilt fá, sum fingu blaðið nakrar ferðir um vikuna. Hetta er nú broytt.
Tá nú allir næmingar í flokkinum fáa blaðið, er gott høvi at læra og uppliva í felag og hava hetta sum eina góða lesiløtu, har næmingarnir sita saman og lesa eftir áhuga.
Tað er lívgandi at síggja, hvussu felagsskapurin kann fremja góðar lesiløtur.
Í bløðunum hesaferð er mangt áhugavert at lesa. Har eru eisini flottar plakatir, sum børnini kunnu heingja upp heima.
Í Píkasjey er eisini ein grein um Elisu, sum gongur í 2. flokki á Skúlatrøð.
Góður og áhugaverdur lesnaður hjá okkara ungu lesarum.
Gott vikuskifti!