Farin er nú stytsti dagur (nr. 787)

1. Farin er nú stytsti dagur,
sólin hevjar sína slóð.
Gleðist nú hvør kristin maður,
frøist nú hvør kristin tjóð!

Barnið Jesus, føtt í fjósi,
er hitt sanna jólaljósið.
Halleluja! syng ið øll,
ørm í smáttu, rík í høll! (2x 2 seinastu reglur)

2. Einglarnir úr himli høga
lova Gudi hátt í ský;
Túsund, túsund tungur kvøða:
Barnið keypti okkum frí!

3. Halleluja, halleluja!
Alla æru eigur Gud!
Syng nú barnarøddin blíða!
Gloymd er armóð, neyð og sút!

Yrkjari: John S. Myllhamar

Leinki til sangin: https://youtu.be/QLxj1reC2a4?si=n_AAvroznDO3XwiH 

Kveik Ljós

Kveik ljós
Eitt ljós skal lýsa um alla víðu verð
Hin skæra himna-stjørna, sum heimur okkar er
Lat vónir vakrar vaksa, og góðsku vinna fram
Lat heim og himmal hittast, tí ljósið sigur vann

Kveik ljós
Tvey ljós ið boða, um kærleika og trúgv
Ein lykt, for fótum teirra, sum altíð byggja brúgv
Slepp fangum út úr kliva, slepp flýddum børnum heim
Kveik ljós teim sorgarbundnu, ein ugga ber tú teim.

Kveik ljós
Trý ljós, sum loga, har kríggj og ósátt stá
Har frælsið verður fjøtrað, slít tú tær leinkjur tá
Lat mannavirðið sigra, tí alra ogn er tað
Kveik ljós hjá øllum teimum, íð syngja frælsis lag.

Kveik ljós
Tær fýra kertur, sum glampa honum hjá
Sum elskar alt sum andar, hvørt kykt og hvørt eitt strá
Kveik ljós for himins drotti ið føddist fornu tíð
Nú semjast heim og himmal hjá barni krubbu í.

Leinki til sangin á youtube: https://youtu.be/vniwd5sCq5E?si=U-sUvo84VvZRiH9g