Meginreglur um royking á Skúlatrøð

Í 2008 var løgtingslóg um tiltøk at minka um royking sett í verk. Endamálið við lógini er millum annað at tryggja øllum roykfrí umhvørvi.

Hesar meginreglur eru grundaðar á

  1. Løgtingslógina frá 10. juni 2008 um royking, har tað er ásett, at ikki er loyvi at roykja í m.a. skúlum. Snús og onnur tubbaksvøra er eisini fevnd av hesi lóg.
  2. Vit vilja eisini sum skúli tálma royking og læra næmingarnar um heilsuligu avleiðingarnar, ið kunnu standast av royking.

Tað er tí ikki loyvt at roykja á skúlans øki á Skúlatrøð. Hetta er galdandi fyri øll starvsfólk skúlans, næmingar og vitjandi í skúlanum.

Næmingum er als ikki loyvt at roykja í skúlatíðini.

Flokslærarin kunnar næmingarnar um hesar reglur.

Um næmingur ikki heldur hesar reglur, verður tað tikið upp við næming/heim sambært trivnaðarætlanini og kunngerð nr. 68 frá 9. juni 2010 um reglur at fremja gott skil og umsjón við næmingunum í skúlatíðini.

Skúlastýrið á Skúlatrøð tann 3. februar 2016