9. A - Skúlatrøð

Seinastu tíðina hava vit havt avbjóðingar við, at fartelefonir hjá næmingum órógva í skúlatíðini. Vit fara tí at stramma upp hesum viðvíkjandi komandi tíðina og verða hesar meginreglar settar í verk í flokkinum:

1. Fartelefonir verða savnaðar inn, tá skúladagurin byrjar og verða læstar inni í floksskápinum. Næmingarnir fáa telefonina aftur, tá skúladagurin er liðugur.

2. Um næmingur ikki vil lata telefonina inn (ella um næmingur sigur, at viðkomandi ikki hevur telefon við í skúla), so sendir flokslærarin eini sms-boð heim til foreldrini. Um tað veruliga er so, at næmingur ikki hevur telefon við í skúla, so verður ikki gjørt meira við hetta.

3. Um næmingur brúkar telefonina í skúlatíð, so verður telefonin tikin og løgd inn á skrivstovu skúlans. Telefonin kann heintast aftaná skúlatíð.

4. Um ein telefon verður tikin fleiri ferðir frá sama næmingi, so verður telefonin tikin og løgd inn á skrivstovu stjórans. Foreldur kunnu heinta telefonina hjá stjóranum.

Vónandi taka øll foreldur væl undir við hesum reglunum, soleiðis at allir næmingar sleppa undan, at fartelefonir framhaldandi órógva skúladagin hjá teimum. Meginreglarnar hjá flokkinum eru grundaðar á meginreglur skúlans viðvíkjandi telefonnýtslu. Tær meginreglarnar kunnu lesast her: https://skulatrod.fo/fartelefonir

Vinarliga,
Ragnhild

Seturskúli á Strondum

Tveir deiligir dagar á Strondum, har vit hava spælt vatnkríggj, kappast í ymiskum stuttligum, sungið kareoke, spælt fótbólt og flogbólt, bakað køku, gingið túrar, etið pizza, verið í biograf og mangt annað. Kanska hava vit næstan gjørt eitt sindur av øllum - alt uttan at sovið! ;)

Í dunnuhylinum

Í góðveðrinum í dag fóru vit út í Grøv at hugna okkum. Nakrir av næmingunum høvdu eingangsgrillir og annað gott, so tey hava hugnað sær við burgarum og skúmduddum - og so hava tey annars svomið og sóla sær fyri rest. Hetta var ein góður dagur! :)

Hugnalig løta á skoytubreytini

Beint áðrenn jólafrítíðina fóru vit á skoytubreytina. Hóast tað regnaði illa og vátt var, so stuttleikaðu tey flestu sær og høvdu eina góða løtu saman.

Bridge-dagur hjá 7. flokkunum

Her eru nakrar myndir av bridge-degnum, sum 7. flokkarnir høvdu fríggjadagin 23. februar 2024.

Næmingarnir lærdu grundleggjandi reglarnir og hugnaðu sær óført saman við limum úr Bridgefelagnum, sum løgdu lag á. Ein góður dagur - bæði fyri ung og eldri! :)