Lesisnildir

Fyri at lætta um fyrstu lesingina eru at kalla nakrir lyklar, ið vit kunnu brúka. Næmingarnir læra um teir í skúlanum, og tit sum foreldur gera beint í at minna tey á teir heima.

Her eru fýra at byrja við:

1. Peika undir hvørt einstakt orð, sum lisið verður.

2. Hygg at myndunum á síðuni. Kunnu tær geva okkum nakra ábending um, hvat  teksturin snýr seg   um, og hvørjum orðum, vit kunnu møta.

3. Ger munnin til at siga fyrsta ljóðið í orðinum, t.d.  /sss/  í sól, ella  /lll/  í lás

4. Drynja: Far spakuliga gjøgnum orðið, og sig øll ljóðini týðiliga: /sss/ - /óóó/ -/lll/   =   sól

Tryggið tykkum, at barn tykkara dugir allar bókstavirnar, ið vit eru komin ígjøgnum: skap, heiti og ljóð!