Í 2015 kom yrkingasavnið Ringrás í mjørka út. Hetta var fyrsta yrkingasavnið eftir Rakul Jónheðinsdóttir Tróndheim. Yrkingarnar í savninum eru minnisbrot frá barnaárum og snúgva seg serliga um stuttar løtur av gleði, ótta ella iva. Rakul viðger í savninum eisini hugin at fara út í heim og barnaárini.

Fyrr í heyst, tá ið ein av 8. flokkunum las modernaðu yrkingina úr savninum við heitinum At flúgva við likkum, sum nú eisini stendur Dropar 8, var ein av uppgávunum at lýsa og tekna kamarið hjá langommuni í yrkingini. Hesa løtuna sær gentan langommu sína fyri seinastu ferð, og yrkingin endar soleiðis:

Farin var blíði oldingin
allan vegin til himmiríkið.
Jamen fylgdist
hon so við likkunum?
Ja, smíltist Babba,
hon fleyg við likkum.

Góða myndin, sum her er viðfest, var ein av myndunum, sum hendan dagin varð teknað.