Tú manst vita frá mongum at siga
 

Hesa tíðina og til føstan byrjar verður nógv gjørt í skúlanum við skaldskap av mannamunni. Serliga kvæðini fáa rúm, og skúlaflokkar hoyra um kempur í kvæðum og læra kvæði og at kvøða.

Eisini barnaútvarpið í Kvf hevur gjørt nógv burturúr hesi serligu tíðini og hevur havt kvæðaspurnakapping fyri skúlaflokkar í miðdeild. Til hesa kvæðakapping hava lærarar meldað flokkin til og umboð fyri flokkin hava síðani fyrireikað seg og lisið uppá. Síðani hava tey verið og roynt seg ímóti øðrum skúlum.

Á Skúlatrøð høvdu vit umboð fyri tveir skúlaflokkar. Umboðini fyri 4.a vóru Bjørg og Eva og fyri 6.b vóru tað Silvia og Olivia.

Okkara umboð høvdu lisið væl uppá. Í kappingina millum 4 flokkarnar, sum var mánadagin vann 4. fl á Skúlatrøð ímóti 4. flokki í Sands skúla, og í kappingini millum 6. flokkarnar, sum var mikudagin, vann 6. fl á Skúlatrøð móti 6. flokki í Eysturskúlanum.

Kvæðakappingin millum 4. fl.: https://kvf.fo/vit/utvarp/2026/01/23/kvaspurnakapping-2-partur 

Kvæðakappingin millum 6. fl.: https://kvf.fo/vit/utvarp/2026/01/27/kvaspurnakapping-3partur