SEINASTA AV SKÚLATRØÐ
VÍS FLEIRI TÍÐINDI
20. januar 2022
Hvussu nógv sukur er í tí, vit eta?
20. januar 2022
Í dag er pannukakudagur
20. januar 2022
Óførir svimjarar
VÍS FLEIRI NÆMINGAINNLEGG

Nú liggur ein kavafonn

1. Nú liggur ein kavafonn tindi á,
og gler er áum og tjørnum,
og stormurin leikar um fjøllini há;
nú er einki veður hjá børnum.

2. Nú dagur er stuttur, og nátt er long,
og glerpípur hanga úr taki,
og títtlingur høvur sítt undir vong
nú stingur hálvdeyður í raki.

3. Nú sita smábørn í stovu still
og lurta so væl eftir søgum
um menn so góðar og trøll so ill,
sum livdu í avgomlum døgum.

4. Vit hoyra um Øskudólg, dreingin tann,
sum kongsdóttur vann sær til brúður,
um Krákudóttur, sum fekk ein mann,
ið var sær ein kongssonur prúður.

5. Og vit hoyra sagnir úr fornu tíð,
um Trónd og um Sigmund hin reysta,
um bardagar miklar og harðligt stríð,
um vápnaleikin hin mesta.

6. Tær søgur, tær søgur, tær ljóða væl,
tær leggja vit okkum í minni,
tær læra vit fegin í hópatal
á kvøldi í stovuni inni.

7. Men uppaftur sólin vil ljóma á fjøll
á fagrasta hásummarsdegi,
og blómubros leikar um víðan vøll;
- tá fáa vit almikla gleði.

Símun av Skarði. Ungu Føroyar, januar 1907

-------------------------------------------------------------------------------------------

Góðu foreldur í 1.-3. flokki 

Sum kunnugt verður skipað fyri neyðansing fyri næmingar í 1. – 3. flokki dagarnar 16. til 21. desember. Hetta tilboð er fyri næmingar, har eingin onnur ansing er møgulig.

Tey foreldur, sum hava tørv á hesi serskipan, skulu boða skúlanum frá. Boðast skal frá á telduposti skulatrod@skulin.fo seinast týsdagin 14. desember kl. 12:00. Upplýsið navn á næmingi, flokk, hvørjar dagar tørvur er á ansing, eins og tykkara navn og telefonnummar. Hendan ansing er frá kl. 8-12. Eftir hetta er Snallabjalla opin fyri hesum somu børnum, um tey annars vanliga ganga í Snjallubjallu. Tilmeldingin til serkipanina í skúlanum er samstundis tilmelding til Snjallubjallu.

Vinaliga

Vagn Foldbo, skúlastjóri

-------------------------------------------------------------------------------------

19. november fingu øll í 1.b ein hjálm frá Ráðnum fyri Ferðslutrygd.

---------------------------------------------------------------------

Aftur í skúla mánadagin!
 

Eftir øðrvísi skúlagongd seinastu tríggjar vikurnar verður farið aftur í skúla mánadagin 15. november 2021. Næmingarnir fylgja vanligu tímatalvuni, hóast onkrar tillagingar verða gjørdar í skúladegnum. Mælt verður til flokseinsemi sum merkir, at vit ikki skipa fyri undirvísing og øðrum tiltøkum tvørtur um flokkar. Í ítrótti, vallærugreinum og Handaverki&list verða flokkarnir tí ikki blandaðir. Eisini verður morgunsangur og aðrar felags samlingar ikki fyribils.

Um næmingur fær staðfest Covid-19, skulu tit siga flokslæraranum frá og annars gera eftir tilmæli frá landslæknanum. Næmingar við sjúkeyðkennum verða bidnir um at halda seg heima.

Vit gleða okkum at síggja næmingarnar aftur!

Vinaliga

Vagn Foldbo, skúlastjóri

-------------------------------------------------------------

Góðu foreldur!


Vegna áhaldandi tilburðir við Covid-19 millum næmingar og starvsfólk skúlans, verður skúlin, eftir avtalu við Undirvísingarstýrið, latin aftur komandi viku frá mánadegnum 8. november til fríggjadagin 12. november 2021.

Skúlagongdin komandi viku verður skipað soleiðis:

Næmingarnir í 1. til 3. flokki fylgja við umvegis heimasetningin
Næmingarnir í 4. – 10. flokki hava framhaldandi undirvísing á netinum. Tó hava næmingarnir í 8. og 9. flokki skrivliga roynd á netinum heima. Kunning um hetta verður løgd á heimasetningin hjá viðkomandi flokkum.
Næmingarnir í serdeildini hava undirvísing á netinum, í tann mun tað er gjørligt, eftir avtalu við læraran/námsfrøðingin. 

Skúlin hevur tó opið í neyðugum vavi fyri børn, sum ganga í og 1., 2. og 3. flokki, har eingin ansing er møgulig. Henda serskipan er bara galdandi hjá teimum børnum, hvørs foreldur starvast á serliga avgerandi økjum, og sum ongan møguleika hava fyri ansing.

Tey foreldur, sum onga ansing hava til síni børn, boða skúlanum frá, um tey hava brúk fyri hesi serskipan. Boðast skal frá á telduposti skulatrod@skulin.fo innan sunnudagin 7. november kl. 15:00. Upplýsið navn á næmingi, flokk, hvørjar dagar tørvur er á ansing, eins og tykkara navn og telefonnummar. Hendan ansing er frá kl. 8-12. Eftir hetta er Snallabjalla opin fyri hesum somu børnum, um tey annars vanliga ganga í Snjallubjallu. Tilmeldingin til serkipanina í skúlanum er samstundis tilmelding til Snjallubjallu.

Heitt verður á tykkum foreldur um framhaldandi at boða flokslæraranum frá, um tykkara barn fær positivt svar uppá koronukanning. 

Vónandi kunnu vit byrja vanliga skúlagongd aftur mánadagin 15. november 2021. Vit leggja eina kunning um hetta seinast í komandi viku.

Vinaliga

Vagn Foldbo, skúlastjóri

................................................................................

Góðu foreldur í 1.b


Eg eri vorðin testað positiv fyri koronu.

í tí sambandi hevur landslæknin sent mær hetta skriv. 

Vinaliga kunni tykkum um innihaldið. 

 

Góða Kirstin,

Sum avtalað senda vit eitt kunningarskriv frá Landslæknanum, sum tú skal senda til tínar kontaktir skjótast tilber. Tú skal hugsa um, hvørjum tú hevur verið saman við (tøtt kontakt) síðani 01.10.2021.

Tættar kontaktir eru tey, sum tú hevur havt fysiska kontakt við (lógvatak, klemm, muss osv.) ella verið tætt hjá (1-2 m frástøðu í minst 10-15 min.)

Tey, ið ikki eru koppsett fara í sóttarhald í 10 dagar frá seinastu kontakt umframt at testa seg 4. 6. og 10. dag.

Tey, ið eru fult koppsett fara ikki í sóttarhald men testa seg 4. og 6. dag.

Alt tað besta.

Vinaliga

Landslæknin

----------------------------------------------------------------------------------

Góðu foreldur!


Nú sera nógvir smittutilburðir hava verið millum børn og ung í økinum, hevur skúlin bert verið opin fyri grunddeildini hesa vikuna, meðan eldru næmingarnir hava fingið fjarundirvísing.

Skúlagongdin í komandi viku 1. til 5. november verður eins og hesa vikuna. Skúlin verður opin fyri næmingarnar í 1.-3. flokki, meðan 4.-10. flokkur hevur fjarundirvísing. Næmingarnir í serdeildini eru í skúla eftir avtalu við viðkomandi starvsfólk.

Um tit av einhvørjari orsøk ikki ynskja at senda børn tykkara í grunddeildini í skúla, ella barn tykkara er staðfest positivt við koronu, vinaliga boðið flokslæraranum frá.

Vinaliga

Vagn Foldbo, skúlastjóri

------------------------------------------------------------------------

 

Foreldaviðtalur 25. oktober eru fluttar

Foreldraviðtalurnar sum skuldu verða mánadagin 25. nov eru fluttar, vegna koronustøðuna.  

----------------------------------------------------------------------------------------------------------------

Viðv. skúlagongdini í viku 43

Skúlagongdin hjá 1.b er sum vanligt kl. 8.00. Um tit meta at barn tykkara kann vera útsett fyri smittu, ynskja vit at tað verður testað, áðrenn tað kemur í skúla aftur. Sigi frá á 257340 um tit ynskja at fáa bøkurnar heim, sum liggja á skúlanum. Sí annars:

https://skulatrod.fo/news/768/um-undirvisingina-hesa-vikuna

--------------------------------------------------------------------------------------------------------------------

 

Foreldraviðtalur í 1. b

mánadagin 18. oktober

kl. 13.30 - 13.45: Kristian
kl. 13.45 - 14.00: Bartal
kl. 14.00 - 14.15: Hjalti
kl. 14.15 - 14.30: Samly Stefania
kl. 14.30 - 14.45: Julian
kl. 14.45 - 15.00: Edmund
Steðgur
kl. 15.15 - 15.30: Karin
kl. 15.30 - 15.45: Marjun
kl. 15.45 - 16.00: Mattias
kl. 16.00 - 16.15: Rakul
kl. 16.15 - 16.30: Rebekka
kl. 16.30 - 16.45: Vera
kl. 16.45 - 17.00: Sveinur

mánadagin 25. oktober

kl. 13.30 - 13.45: Lukas
kl. 13.45 - 14.00: Dávur Eliah
kl. 14.00 - 14.15: Óli Karl
kl. 14.15 - 14.30: Filip
kl. 14.30 - 14.45: Mia
kl. 14.45 - 15.00: Marita
Steðgur
kl. 15.15 - 15.30: Immanuel
kl. 15.30 - 15.45: Katrina
kl. 15.45 - 16.00: Aura Emilia
kl. 16.00 - 16.15: Jógvan
kl. 16.15 - 16.30: Kristfríð
kl. 16.30 - 16.45: Beinir

-------------------------------------------------------------------------------------------------------------------------------

Lesibókin "Sólin sá lás í á"

Øll í 1.b hava fingið undirvísing í 5 bókstavum "á, l, s, í , ó".  Fyri hvørjar 5 bókstavar tey læra, fáa tey eina lesibók heim við. Heitið er á fyrstu lesibókini er "Sólin sá lás í á". Har eru bæði orð tey duga og sum tey ikki duga, tí tey ikki hava lært allar bókstavir enn. Bókin liggur í postmappuni. 

---------------------------------------------------------------------------------------------------------------------------------------------

Øll í 1.b fáa barnablaðið ókeypis skúlaárið 2021 / 2022. Klaksvíkar kommuna rindar kostnaðin.

--------------------------------------------------------------------------------------------------------

Ítróttur 1.b - Sí leinkjuna niðanfyri.

ítróttur 1. flokkar 2021 2022.pdf

---------------------------------------------------------------------------------------------

Trivnaðarbólkar

Til foreldrafundin 25. august 2021 bleiv avgjørt, at foreldrini í 1.b gera 3 trivnaðarbólkar sum síggja soleiðis út:

Jólabólkurin: Kristfríð, Mia, Sveinur, Bartal og Mattias.

Várbólkurin: Hjalti, Kristian, Fililp, Beinir, Marita, Marjun, Óli Karl, Julian og Vera.

Summarbólkurin: Dávur Eliah, Immanuel, Lukas, Rakul, Rebekka, Jógvan, Karin, Edmundur, Samly Stefania og Aura Emilia. 

------------------------------------------------------------------------------------------------------------------------------------------------------------

Góðu foreldur


Vit bjóða tykkum á felags foreldrafund fyri 1. b mikukvøldið 25. august kl. 19.00. Fundurin byrjar í miðhøllini, har sum 1. flokkarnir halda til. Síðani verður farið inn í skúlastovuna hjá flokkinum. 


Skrá fyri fundin: 

Fyrilestur um “fyrstu lesingina” og “góð ráð at læra tøl" 
Lærugreinirnar 
Samstarv millum skúla og heim 
Trivnaður í flokkinum 
Ymiskt 

Vit gleða okkum at vera saman við tykkum á fundinum. 
 
Vinaliga heilsanir 
Petur Páll og Kirstin

-------------------------------------------------------------------------------------------------