1. a á skoytubreytini
31. januar 2025
Ein hugnaligur dagur á skoytubreytuni.
Tey stuttleikaðu sær óført :)
Lyklaring
27. januar 2025
Í dag hava børnini fingið lyklaring við heim, sum tey hava gjørt í evning
Ævintýraferðin
13. januar 2025
Góð og lærurík løta við Dánjal og Búa, sum framførdu Ævintýraferðin 2025 - Romeo og Julia
Jólini 2024
Vit prýða floksstovuna
28.11.2024
Undranardagar november 2024
Føroyar - Norðoyggjar
"Kallur og kona sótu við borð av viði og ótu svín og fugl."
Vit hava havt tríggjar góðar og læruríkar dagar um Føroyar - Norðoyggjar. Børnini hava verið sera hugagóð og arbeiðssom. Á myndunum síggja tit ein part av tí, vit hava arbeitt við.
Annars takk fyri ein væl skipaðan lummalyktatúr hóskvøldið :)
Tað var hugnaligt at ferðast millum trøini saman við tykkum og tykkara fittu børnum. Deiligt at fáa heitt kakao og bollar við góðum práti aftan á túrin.
Vit ynskja tykkum eitt gott vikuskifti :)
Vinaliga
Elin og Jónfríð
Góðu foreldur
8. oktobur 2024
Nú er skúlagongdin hjá tykkara børnum komin væl frá byrjan, Børnini skulu hava sína fyrstu frítíð frá skúlanum, nú heystið stendur fyri framman.
Tit eiga sera røsk og hugagóð børn, og tað er stuttligt at síggja, hvussu nógv tey megna at læra, og alt tey longu hava tikið til sín.
Nú fáa tey eina tiltrongda fríviku. Og so kunnu tey gleða seg at koma úthvíld aftur í skúla :)
Vit gleða okkum at byrja aftur eftir heystfrítíðina, og vilja við hesum myndum takka fyri hesar 2 mánaðirnar.
Tá ið vit byrja aftur, verða sum kunnugt foreldraviðtalur, har vit práta saman um gongdina hjá tykkara barni. Tíðirnar síggja tit inni á “Kunning”.
Vit ynskja børnunum góða heystfrítíð.
Jónfríð og Elin
Klaksvíkar Tónlistaskúli vitjar 1.a
28. august 2024
Kóka suppu úti í Grøv
26. august 2024
Í góðveðrinum mánadagin vóru vit úti í Grøv og kókaðu suppu við stormkøki.
Veðrið var gott, tí valdu vit at vera úti ein part av skúladegnum.
Børnini hugnaðu sær
Fyrsti skúladagur
