9. flokkur við á lendisbatadegi á Syðradali.

Hósdagin 31. august var 9.a við á Syðradali á áhugaverdum lendisbatadegi, sum Tjóðsavnið skipaði fyri. Endamálið við lendisbatadegnum var at byrja arbeiðið at fáa gróður aftur í eina skriðu omanfyri Syðradal, sum leyp um aldarskiftið.

Hendan dagin fingu næmingarnir møguleika at uppliva lívfrøði í verki, saman við miðnámsskúlanæmingum úr Vestmanna, sum eisini luttóku á lendisbatadegnum.

Fyrrapartin arbeiddu næmingarnir saman í smærri bólkum við at endurbøta skriðuna. Um middagsleitið bjóðaði Tjóðsavnið feska suppu, við søtum omaná frá Magna Garðalíð í skúlanum á Syðradali.

Seinnapartin helt Kolbrún í Haraldstovu frá Tjóðsavninum áhugaverdan fyrilestur um lendisbata, áðrenn farið varð aftur til Klaksvíkar við Sildberanum, sum røkti siglingina fyri Sam hendan dagin.

Ein áhugaverdur og læruríkur dagur.

Ein tíðindastubbi var í Dag og viku hósdagin 31. august um verkætlanina. Hann kann síggjast frá tíðini 15:50 her

Ynskir tú at vita meira um verkætlanina við lendisbata á Syðradali, so trýst her