Dátukassar innan hagtøl:

Hagfrøðilig kanning:

1: Vit áseta, hvat vit skulu kanna, og gera samsvarandi spurningar

2: Vit savna saman hagtøl

3: Vit kanna hagtølini

• skipa tey í talvu
• lýsa tey við einum diagrammi
• brúka lýsingartøl: median, mesti og miðal, til at finna, hvat er vanligast.

4.: Vit greina úrslitini

Sýni

Tá ið hagfrøðiligar kanningar fevna um ein stóran bólk, kunnu vit í staðin kanna ein part av bólkinum, eitt sýni. Sýnið skal tá helst líkjast heildini.

Mesti

Talið, sum flest er av, verður nevnt mesti.

Median

Tá ið hagtølini eru skipað í vaksandi raðfylgju, er median talið, sum stendur í miðjuni. Er einki tal tað mittasta, er medianin talið mitt ímillum tey bæði mittastu tølini.

Stabbamyndir

fevna um stabbar við rektangulskapi, ein stabba fyri hvønn bólkin. Hæddin vísir tað, sum er talt upp ella mátað fyri tann bólkin.

Linjumyndir

eru at samanbera við stabbamyndir, har tølini á útásini hanga saman. Tá ið punktini eru avsett, kunnu vit tekna eina striku ígjøgnum tey.