Skúlahornorkestrið fingið búmerki
1. mars 2024
Búmerki til skúlahornorkestrið
Fyrr í ár varð skipað fyri búmerkjakapping. Skúlahornorkestrið skuldi hava búmerki, og hornnæmingarnir kundu tekna síni uppskot til búmerki.
Fleiri flottar og kreativar tekningar komu inn, og hesar tekningarnar vóru latnar eini dómsnevnd. Í dómsnevndini vóru Vagn Foldbo, umboðandi skúlan, Fiona Parker, umboðandi tónleikalærararnar og Petur Simonsen, form. í Klaksvíkar Hornorkestri.
Dómsnevndin valdi eina mynd í rúgvuni, sum tey hildu hóskaði sum búmerki. Síðan fór hendan myndin ein túr á skriviborðið hjá Jastrid Gullaksen, sum hevur fingið nýggja búmerkið at hóska til búmerkið hjá skúlanum.
Tað er Ida Kjærbo, sum hevur teknað búmerkið hjá Hornorkestrinum á Skúlatrøð.