Vit skriva jólakort - eitt sera væl móttikið átak av lærarum, foreldrum og næmingum.

Gott hugskot, sum Føroya Lærarafelag, Føroyar Lesa og Posta standa saman um.

Vit hava lært at skriva jólakort, seta eitt bræv upp og skriva bústað hjá móttakara og sendara og seta frímerki á. Hetta er ikki gerandiskostur hjá seinastu ættarliðunum, hvørs samskifti gongur fyri seg á sosialu miðlunum.

Vit hava skrivað kladdu, hugsað okkum um og skrivað vakurt, umframt teknað .

Gott at venda aftur til virðismiklar gerðir og seta tíð og nærveru í hásæti.

Á Skúlatrøð eru góð 1100 jólakort skrivað og fara tey runt í Føroyum og út í 21 lond kring heimin.

Hetta hava verið hugnaligar, læruríkar og hjartanemandi løtur, sum vit goyma og fara at endurtaka ❤️

Vit takka fyri átakið.

Londini, sum jólakort verða send til frá Skúlatrøð eru:

Póland

Serbia

Kanada

Týskland

Svøríki

Stóra Bretland

Filippinirnar

Suður Korea

Hawai

Indonesia

Bangladesj

Singapor

Grønland

Iowa

Norra

Frankaríki

Kalifornia

Tailand

Ísland

Danmark