Jólakafé hjá hádeild

Hósdagin 12. desembur bjóðaði næmingaráðið í hádeild 7.-9. flokki á jólakafé í miðhøllini. Borðreitt var við leskiligum rísalamandel, kakaosunkist og mandarinum.

Saman við góðari hjálp frá køkinum stóð næmingaráðið fyri øllum. Tey gjørdu mat, pyntaðu borðini og vaskaðu upp.

Næmingaráðið hevði heitt á allar næmingar um at lata seg í okkurt jólaligt, so hetta bleiv ein stuttlig og kærkomin løta, har næmingarnir fingu høvi til at sita saman og bara hugna sær, áðrenn vanliga undirvísingin byrjaði aftur.

Vit á Skúlatrøð takka næmingaráðnum í hádeild fyri góðan mat og eina hugnaliga løtu saman ❤️