Góðir tímar á skoytibreytini

Tað var 7. desembur í 2024, at skoytibreytin læt upp fyri hendan veturin.

Um hálvan desembur fingu skúlaflokkar á Skúlatrøð í boði at bíleggja sær ein tíma millum klokkan 9 og 15 skúladagar.

Hesum tilboðnum hava flest allir flokkar tikið av og sigast má, at hetta er nakað, sum næmingunum dáma ógvuliga væl.

Nú hevur skoytibreytin verið opin í nøkur ár, so tað er líkasum blivið ein siðvenja í jólamánaðinum at fara ein tíma á skoytibreytina.

Næmingar hava verið á skoytibreytini í skúlatíð, og so hava teir eisini avtalur um at møtast á skoytibreytini aftaná skúlatíð.

Vit á Skúlatrøð takka fyri møguleikan at kunna stuttleika okkum á skoytum á skoytibreytini.

Eitt gott trivnaðarátak fyri fólkið í kommununi.

Her eru nakrar myndir av skúlaflokkum, sum hava verið á skoytibreytini.