Kunningina um tiltakið Barnaráðstevna 2025 hava vit funnið á heimasíðuni hjá Norðurlandahúsinum her

Og vit endurgeva hana her niðanfyri

Barnaverkætlanin bjóðar til Barnaráðstevnu
Endamálið við tiltakinum er, at øll børn og ung í Føroyum fáa møguleika at koma við sínum íkasti til komandi Barnalóg fyri Føroyar, og næmingaráðini verða styrkt, so tey eru ein sterk rødd í fólkaræðinum fyri allar næmingar.

Dentur verður serliga lagdur á trý øki:
1) Heim og grannalag/nærumhvørvi
2) Frítíð og heilsa
3) Dagstovnur og skúli

Politisku eigararnir av Barnaverkætlanini eru eisini til staðar á ráðstevnuni – ikki minst verður áhugavert at uppliva hátíðarløtuna 23. jan. har landsstýrisfólkini og forfólkið í Kommunufelagnum tekur ímóti íkastinum frá børnunum og teimum ungu til eina barnalóg, tann fyrsta av sínum slagi, fyri Føroyar.

Tiltakið er eitt samstarv millum Barnaverkætlanina, Barnabati, Undirvísingarstýrið, Nám, Fróðskaparsetur Føroya og Norðurlandahúsið – og harnæst útint og fyrireika í góðum samstarvi við skúlaleiðslurnar, lærararnir og børnini kring alt landið.

Næmingaráðini á Skúlatrøð vóru við á ráðstevnuni mikudagin og fingu nógv burturúr.

Hósdagin var so stóra løtan, tá arbeiðið, sum næmingaráðini hava gjørt, varð handa Barnaverkætlanini, sum er mannað av løgtingsins umboðsmanni, landstýrisfólkum og forfólkinum í Føroya Kommunufelag. 

Skúlarnir kring landið kundu fylgja við á netinum, tá frágreiðingin frá næmingaráðunum varð handað Barnaverkætlanini.
Her er handanin

Her eru nakrar myndir frá Barnaráðstevnuni í Norðurlandahúsinum og stovuni hjá 6.d, tá vit fylgdu við handanini.