Næmingar innskrivaðir til 1. flokk

Síðani 10. januar hava foreldur og verjar at komandi skúlanæmingum havt møguleika at skriva næmingar inn í 1. flokk - talgilt. Innskrivingin hevur ligið opin til í dag 27. januar 2025.

Í dag bjóðaði skúlin so til kunnandi fund fyri foreldrum/verjum og innskrivaðum børnum, ið eftir ætlan skulu byrja í 1. flokki skúlaárið 2025/26. Í núverandi løtu eru 96 børn innskrivaði til komandi skúlaár.

Løtan í dag var eisini eitt høvi at vísa, hvat skúlin stendur fyri og hvørjir møguleikar eru. Jónleif Johannesen greiddi frá og vísti, hvussu morgunsangurin er, og saman við næmingum vísti hann, hvussu morgunsangurin hesa tíðina er merktur av venjing av kvæðum og dansi. Næmingar úr yngra skúlakórinum sungu, og næmingar úr skúlahornorkestrinum framførdu eisini. Eisini var ein brellbiti frá matarskipanini á borðinum.

Myrna Lind Jacobsen, sum tekur við varaskúlastjórastarvinum eftir Rannvá Joensen og byrjar í starvinum 1. februar, nýtti høvi at heilsa uppá næmingar og foreldur/verjar.