So løgdu hvítu flykrurnar seg yvir býin. Her eru nakrar myndir, sum næmingarnir í 7. flokki tóku, tá ið tey fóru ein myndatúr í góða veðrinum.

Ein, ið sorgblítt hevur brúkt myndina við hvítu flykrunum, ið leggja seg á greinar, er Steintór Rasmussen. Hann eigur orðini til sangin Hvítar flykrur, og Eyðun Nolsøe eigur lagið.

Lurta her.

Við vøkru orðunum ynskja vit tær ein góðan kavadag:

Hvítar flykrur leggja seg á greinar
træið skal nú hvíla eina tíð
flykrur seta seg á mínar herðar
og eg kenni myrkan vetur
sum nú býr í mær
sakni ein eg elski
sakni ein eg elski so.

Eri eg sum hvíta vakra træið
sum í kulda bíðar eftir sól
veit at allar flykrur munnu bráðna
koma til mín vøkur minni
skilji mína sorg
sakni ein eg elski
sakni ein eg elski so.

Skilji hví eg leingist
sakni ein eg elski
sakni ein eg elski so.