Í dag er pannukakudagur
20. januar 2022
Ókey, tað er ikki ordiliga pannukakudagur í dag, men tað halda næmingarnir í Ziska 4, tá ið tað er kalt og frost úti. Teir bakaðu tí í dag pannukøkur, og meðan teir bakaðu, tosaðu teir um, hvørji skap deiggið gjørdi, tá ið tað varð stoytt á pannuna. Teir hildu seg síggja alt slag av djórum :)
Kanska heldur tú eisini, at tað er pannukøkudagur í dag. So er ein uppskrift úr Góðaráð her:
Tilfar
150 g hveitimjøl
1/2 tesk. salt
1 súpsk. sukur
2 1/2 dl mjólk
1 dl vatn
3 egg
25-30 g margarin
Ger soleiðis
- Píska alt uttan margarinið væl saman.
- Baka á heitari pannu og smyr pannuna hvørja ferð, áðrenn tú koyrir deiggj á - ella eftir tørvi.
- Pannukøkurnar verða lagdar hvør oman á aðra við sukri ímillum. Tær smakka best heitar við súltutoyi og pískaðum róma.