Bókasavnsbøkur
Minnist til at lata allar bókasavnsbøkur inn, áðrenn farið verður farið í roynd.
Hyggið væl eftir heima og í skúlanum.
Vika 30 - 2021
Nýggja tímatalvan hjá 7.a
Boð frá leiðsluni ísbv. nýggju korona-støðuna
Leiðsla skúlans hevur nú fingið skriv frá Undirvísingarstýrinum um, hvussu vit sum skúli skulu handfara støðuna, nú fleiri tilburðir eru av koronu. Nýggju boðini eru hesi:
Góðu foreldur og næmingar!
Nú korona aftur tekur dik á seg, verða onkrar broytingar komandi dagarnar.
Skúlagongd hjá 1. til 8. flokki verður í morgin. Næmingarnir møta sum vanligt, men mælt verður til gott reinføri og økta frástøðu. Í skúlanum merkir hetta, at vit ikki skipa fyri tiltøkum tvørturum flokkar.
Próvtøkan til víðkaðu fráfaringarroynd Fólkaskúlans, (10. flokk) í morgin og mikudagin er útsett í tveir dagar. Tey í 10. flokki, sum taka støddfrøði á 9. floks støði, møta tó til roynd sum ætlað í Valskúlanum.
Teir næmingar í 9. flokki, sum tóku lut í Ódnartøkum leygardagin, eru bidnir um at kanna seg. Um teir ikki hava fingið svar til í morgin, skulu teir møta í Valskúlanum til próvtøku.
Um foreldur eru stúrin um sítt barn, og hava bílagt eina koronu-kanning, mæla vit til at halda barninum heima, til úrslit av kanningini fyriliggur.
Vónandi koma vit eisini væl ígjøgnum hesa bylgjuna.
Vinaliga
Vagn Foldbo, skúlastjóri
Seturskúlin útsettur!
Orsaka av nýggju korona-støðuni í landinum havi eg, saman við leiðslu skúlans, valt at útseta seturskúlan hjá okkum í morgin.
Fleiri av næmingum okkara hava verið við til Ódnartøk í vikuskiftinum og vil eg heita á øll, sum hava tann minsta mistankan um at hava verið útsett fyri smittu, um at lata seg kanna sambært tilmælunum frá landslæknanum.
Eg veit, at hetta er ein keðilig støða hjá næmingunum at koma í. Men tit kunnu heilsa teimum frá mær og siga teimum, at vit fara at finna upp á okkurt annað stuttligt at gera saman, tá tamarhald aftur er á smittuni.
Næmingarnir fáa pengarnar fyri seturskúlan aftur, tá vit hittast í skúlanum.
Vónandi skilja tit foreldur støðuna og taka undir við avgerðini um at útseta seturskúlan.
Vinarliga,
Ragnhild
Vallærugreinar 21/22
Góðu foreldur og næmingar í 7.fl 2021
Næmingar, sum fara í 8.fl. aftaná summarsteðgin, hava nú møguleika at velja vallærugreinar.
Á tímatalvuni eru 30 felagstímar. Umframt teir 30 felagstímarnar kunnu næmingarnir velja upp til 7 vallærugreinatímar. Hetta ber til at síggja og kunna seg nærri um í tilmeldingarskjalinum í viðfesta leinki.
Valið er frítt og tó:
Týskt
Fyri at sleppa á hugbreytini á gymnasialu miðnám skal næmingurin velja týskt og hava tað í 8. og 9.fl.
Alis-evnafrøði
Fyri at sleppa á nátturubreytini, tøknibreytini og tilfeingisbreytini skal næmingurin velja alis/evnafrøði og hava tað í 8. og 9.fl.
Fyri at sleppa á yrkismiðnám (handverkaraúrbúgving) verður mælt til, at næmingurin velur alis/evnafrøði og hevur tað í 8. og 9.fl.
Tað ber eisini til at velja handaligar lærugreinar, um næmingurin ikki velur týskt.
Á https://www.les.fo ber tað til at fáa meiri kunning um víðari skúlagongd.
Tilmeldingarskjalið er at finna HER.
Eru spurningar, ber tað til at seta seg í samband við skúlavegleiðararnar ella við leiðsluna.
Vinarliga
Tina Purkhús, skúlavegleiðari tlf. +298 228777
Bergljót Rond, skúlavegleiðari tlf +298 226979
Leivur Vitalis, deildarleiðari tlf +298 780206
Áheitan frá skúlastýrinum
Góðu foreldur/avvarðandi
Trivnaður er fyritreyt fyri at læra og mennast.
Nú tilmælini at savnast eru vorðin linari, ynskja vit at koma við eini áheitan til tykkum foreldur/avvarðandi um aftur at skipa fyri felags tiltøkum fyri flokkin, har tykkara barn gongur.
Felags tiltøk eru góð fyri trivnaðin og felagsskapin í flokkinum.
Víst verður til trivnaðarætlans skúlans, sum finst á heimasíðuni.
Vegna skúlastýrið
Jórun Andreasen, forkvinna
Sigmunds kvæði, yngra
Sigmunds kvæði, yngra.docx
15.02 KB
Til foreldur/avvarandi
Á Skúlatrøð leggja vit dent á at venja næmingar við góðan telefonsið og uppaling í einum talgildum heimi. Tað er alment kunnugt, at ov nógv telefonnýtsla ávirkar hugsavnan og arbeiðslag hjá næmingum. Tí hava vit ásett meginreglur viðvíkjandi nýtslu av telefon. Í meginreglum skúlans stendur soleiðis um endamálið við meginreglum í samband við telefonnýtslu:
Endamál:
At telefonir ikki órógva undirvísingina
At telefonir ikki gera, at næmingarnir gerast kropsliga óvirknir í fríkorterunum
At næmingarnir eru meira saman sosialt í fríkorterunum
At áseta, í hvønn mun telefonin kann verða eitt amboð í undirvísingini
At tálma happing á netinum
Við hesum í huga heita vit á næmingar í hádeild um ikki at hava telefon við í skúla. Hava næmingar telefon við í skúla er mannagongdin tann, at næmingurin leggur telefonina í telefonkassan í eitt skáp í flokshølinum. Hetta verður gjørt, tá møtt verður á morgni, og skápið verður læst. Tá skúladagurin er liðugur, fær næmingurin telefonina aftur.
Tað kann sjálvandi koma fyri, at foreldur/avvarðandi hava tørv á at fáa fatur í næmingum skúlans. Í slíkum føri ber til at seta seg í samband við:
Skrivstovuna á Skúlatrøð – tlf. 410200
Varastjóra við ábyrgd av hádeild, Leivur Vitalis – tlf. 780206
Skúlastjóra, Vagn Foldbo, - tlf. 780200
Seturskúli í Klaksvík
Oktobur 2020
Happing
Flokslærari: Ragnhild Ellingsgaard Tlf: 270626
Danskt Ragnhild Ellingsgaard
Enskt Ragnhild Ellingsgaard
Søga Ragnhild Ellingsgaard
Kristni Ragnhild Ellingsgaard
Føroyskt Eyðstein Poulsen
Støddfrøði Bjarni Ziska og Jona Højsted
Lívfrøði Bjarni Ziska
Samfelagsfrøði Bjarni Ziska
Landalæra Bjarni Ziska
Alis- og evnafrøði Maria Norðoy
Ítróttur Petra Sjóstein
Ítróttur Johannes Klakk
Ítróttur Eyðstein Poulsen
Ítróttur Petur Páll Mikkelsen
Ítróttur Hanna Y. Sólbjørg
Handarbeiði Maria Ziska
Leiklist Ragnhild Ellingsgaard
Tónleikur Steintór Rasmussen
Heimkunnleiki Lina Magnussen
Talv Petur Páll Mikkelsen
Evning Betta Joensen
Miðlar Gunrið Kalsberg
Lesing
minst til at lesa uml. 15 min. HVØNN dag
Fríloyvi
Áheitan til foreldur 110918 (2).docx 10.90 KB
Góðu foreldur!
Kostur er sera týðandi fyri okkara gerandisdag, ikki minst hjá børnum okkara. Tað snýr seg ikki einans um at eta seg mettan og sløkkja tostan, men eisini hvørjum tú etur teg mettan av og sløkkir tostan við. Hetta hevur ávirkan á tannheilsuna og evnini at hugsavna seg.
Børn vita, hvat tey vilja hava, men tey vita ikki altíð, hvat er gott fyri tey. Tí hava tey brúk fyri vaksnum at taka nakrar avgerðir fyri tey, m.a. viðvíkjandi mati.
Tað er nógv søtmeti millum børn í skúlanum, og hetta sæst aftur í m.ø. tannheilsuni. Fyri at betra um hetta, vilja vit við hesum heita á tykkum foreldur um ikki at geva børnunum søtmeti í matpakkan og ikki lata tey hava pening við í skúla, so tey kunnu keypa sær eitthvørt í skúlatíðini. Hetta vil uttan iva betra um tannheilsuna og vælveruna annars.
Vónandi verður tikið væl ímóti hesum.
Vinaliga
Skúlin, skúlastýrið og skúlatannlæknin
